12-ئاينىڭ 1-كۈنى، بەييۈن قار تېيىلىش مەيدانى ئادەملەر بىلەن لىق تولدى.
تىيانشان تورى-شىنجاڭ گېزىتى خەۋىرى (مۇخبىر تاڭ يۇڭ فوتوسى ۋە خەۋىرى) 12-ئاينىڭ 1-كۈنى، ئۈرۈمچى ناھىيەسى شۈيشىگۇ بازىرى بەييۈن قار تېيىلىش مەيدانىدا قار دولقۇنلىرى مەۋج ئۇرۇپ، خۇشال كۈلكە سادالىرى ئۈزۈلمىدى. قار يولىدا چاڭغا تېيىلىش ھەۋەسكارلىرى شامالدىن مۇداپىئەلىنىپ تېز ماڭدى، رەڭلىك چاڭغا تېيىلىش كىيىمى كىيگەن بالىلار كۆزنى تېخىمۇ قاماشتۇردى __ئۇلار تېرېنېرنىڭ يېتەكچىلىكىدە ئەستايىدىل مەشىق قىلىپ، قار تېيىلىش مەيدانىدىكى ئەڭ جانلىق مەنزىرىگە ئايلانغانىدى.
12-ئاينىڭ 1-كۈنى، بەييۈن قار تېيىلىش مەيدانىغا قار تېيىلغىلى كەلگەن ئاتا-ئانىلار ۋە بالىلار.
12-ئاينىڭ 1-كۈنى، تېرېنېر ئوقۇغۇچىلارنىڭ قار تېيىلىشىغا يېتەكچىلىك قىلماقتا.
قار تەتىلى مەزگىلىدە، بەييۈن قار تېيىلىش مەيدانى پۈتۈن شىنجاڭدىكى ئوتتۇرا-باشلانغۇچ مەكتەپ ئوقۇغۇچىلىرىغا مەخسۇس پاراۋانلىقنى يولغا قويدى: قار تېيىلىش بېلىتى ھەقسىز، قار سايمانلىرىنى يېرىم باھادا ئىجارىگە بەردى ھەم مەخسۇس ئىككى فىزىكىلىق ئايرىپ ئۆگىتىش قار يولى تەسىس قىلىپ، تەتقىقات ئاپپاراتلىرى بىلەن بىرلىشىپ قىشلىق لاگېر بەرپا قىلىپ، ياش-ئۆسمۈرلەرگە «قار-مۇز كىرىش يولى» ھازىرلاپ بەردى. بەييۈن قار تېيىلىش مەيدانىنىڭ مۇئاۋىن باش دىرېكتورى فەن لەنلەننىڭ تونۇشتۇرۇشىچە، يېقىندا ياش-ئۆسمۈرلەرنىڭ ئىگىلىگەن نىسبىتى كۆرۈنەرلىك ئېشىپ، كۈندىلىك كۈتۈۋېلىش مىقدارى ئىلگىرىكىدىن %30 ئاشقان.
دۆلەت دەرىجىلىك قار تېيىلىش ساياھەت ئارامگاھى بولۇش سۈپىتى بىلەن، نەنسەن قار تېيىلىش ساياھەت ئارامگاھىنىڭ بايلىقى مول، قاتنىشى قولايلىق، قار پەسلى ئۇزۇن. يېڭى قار پەسلىدە، قار تېيىلىش مەيدانى كۆپ خىل تەمىنلەش ئارقىلىق قار تېيىلىش ھەۋەسكارلىرىنىڭ قار-مۇز قىزغىنلىقىغا ئىنكاس قايتۇرۇپ، «سوغۇق بايلىق»نى داۋاملىق «قىزغىن ھاياتىي كۈچ»كە ئىگە قىلدى.
12-ئاينىڭ 1-كۈنى، قار تېيىلىش مەيدانىنىڭ ھەممىلا يېرىدە بالىلارنىڭ سىيماسى بار.
12-ئاينىڭ 1-كۈنى، بالىلار تېرېنېرنىڭ يېتەكچىلىكىدە قار يولىغا قاراپ ماڭدى.
«تىيانشان تورى»دىن ئېلىپ تەرجىمە قىلىندى
