باش قىش مەزگىلىدە، تىيانشاننىڭ جەنۇبىي ئېتىكىگە جايلاشقان شىنجاڭ ئونسۇ ناھىيەسى تەۋەسىدىكى مۇزارت مۇزلۇقى جىمجىت، ھەيۋەتلىك ئېكولوگىيە گۈزەل مەنزىرىسىنى نامايان قىلغانىدى.
بوشلۇقتىن قارىغاندا، كۆك رەڭلىك مۇز گەۋدىسى تاغ جىلغىسى ئارىسىدا نەچچە كىلومېتىر ئۇزۇنلۇقتا جىمجىت سوزۇلغان بولۇپ، قۇياش نۇرىدا باشقىچە چاقناپ تۇراتتى. مۇزلۇق يۈزىدە شەكىللەنگەن ھەر خىل شەكىلدىكى مۇز يېرىقلىرى، مۇز موگۇ قاتارلىق تەبىئىي مەنزىرىلەر گېئولوگىيەلىك ئۆزگىرىشكە ۋە تەبىئەتنىڭ زور كۈچىگە گۇۋاھ بولۇپ تۇراتتى. ئېرىغان مۇزلار مۇز يۈزىنى بويلاپ ئاستا ئېقىپ تەبىئىي جىلغا ئېرىقچىلىرىنى شەكىللەندۈرگەن بولۇپ، شىلدىرلاپ ئېقىپ تۇرغان سۇنىڭ ئاۋازى بىلەن يىراقتىكى ھەيۋەت بىلەن قەد كۆتۈرگەن قارلىق تاغ، يېقىن ئەتراپتىكى شامالغا جور بولغان قۇرۇق ئوت-چۆپلەر ھەرىكەت بىلەن جىمجىتلىق تەڭ مەۋجۇت بولۇپ تۇرغان ئىستېرېئولۇق قىش مەنزىرىسىنى نامايان قىلغانىدى.
مۇزارت مۇزلۇقى شىمالدا موڭغۇلكۈرەدىن باشلىنىپ، جەنۇبتا ئونسۇدا ئاخىرلىشىدۇ، ئومۇمىي ئۇزۇنلۇقى 120 كىلومېتىردىن ئاشىدۇ. تىيانشان تاغ تىزمىسىنىڭ مۇھىم مۇزلۇقىنىڭ بىرى بولۇش سۈپىتى بىلەن، باش قىشتا مۇزلۇقنىڭ سۈزۈكلۈكى ۋە ساپلىقى تېخىمۇ تولۇق نامايان بولىدۇ، بۇ ھەم فوتو سۈرەت ۋە دالا ھەۋەسكارلىرى قىش پەسلىدە تەبىئەتتىن ئۆزگىچە جەلپكار مەنزىل ئىزدەيدىغان كۆڭۈلدىكىدەك جاي ھېسابلىنىدۇ.
مەنبە: مەركىزىي رادىيو-تېلېۋىزىيە باش ئىستانسىسى شىنجاڭ باش پونكىتى
