مەنبەسى: يەكەن ناھىيەلىك يۇغۇرما تاراتقۇ مەركىزى
يېقىندا، يەكەن ناھىيەسىنىڭ ئىشقۇل يېزىسىدا 4800 مو يەردىكى بېھىدىن مول ھوسۇل ئېلىندى. بۇ يېزىنىڭ ئوغلان كەنتىدىكى تېرىقچىلىق بازىسىدا، ئالما شەكلىدىكى ئالتۇن رەڭلىك بېھىلار شاخلارغا غۇچچىدە ئېسىلغان بولۇپ، قويۇق مېۋە ھىدى ئەتراپنى قاپلىغانىدى. ئىشقۇل يېزىسى بېھى كەسپىنىڭ كۆلەملىشىش، سۈپەتلىك تەرەققىي قىلىشىنى ئىلگىرى سۈرۈش ئۈچۈن، يېقىنقى يىللاردىن بۇيان ئەلا سۈپەتلىك سورتلارنى كىرگۈزۈپ، باغۋەنچىلىك مۇتەخەسسىسلىرىنى ئېتىز باشلىرىغا بېرىپ، پۈتۈن جەريانغا يېتەكچىلىك قىلىشقا تەكلىپ قىلىپ، باغۋەنلەرنىڭ ئۆلچەملىك تېرىپ، ئەلا سۈپەتلىك ھوسۇل ئېلىشىغا كاپالەتلىك قىلدى. (يەكەن ناھىيەلىك يۇغۇرما تاراتقۇ مەركىزىنىڭ مۇخبىرى نۇردۇنجان نۇرەخمەت، ۋاڭ شىشىن)
باغۋەنلەر بېھى دەرەخلىرىنى ئارىلاپ يۈرۈپ، پىشقا مېۋىلەرنى ئۇستىلىق بىلەن ئۈزمەكتە.
باغۋەنلەر يىغقان بېھىلار «توردا + تور سىرتىدا» شەكلى ئارقىلىق پۈتۈن مەملىكەتكە سېتىلىدۇ.
