9-ئاينىڭ 8-كۈنى، شىنجاڭ 1-ئاۋغۇست پولات-تۆمۈر گۇرۇھى چەكلىك شىركىتىنىڭ سوغۇق پىروكاتلاش سېخىدا، خىزمەتچى خادىم كونترول ئۆيىدە مەشغۇلات قىلماقتا.
9-ئاينىڭ 8-كۈنى، زىيارەت ئۆمىكىدىكىلەر شىنجاڭ 1-ئاۋغۇست پولات-تۆمۈر گۇرۇھى چەكلىك شىركىتىنىڭ سوغۇق پىروكاتلاش سېخىغا كېلىپ زىيارەت قىلدى.
تىيانشان تورى-شىنجاڭ گېزىتى خەۋىرى(مۇخبىر لى رۇي فوتوسى ۋە خەۋىرى) 9-ئاينىڭ 8- كۈنى، «جاسارەت بىلەن ئىلگىرىلىگەن 70 يىل، تىيانشاننىڭ جەنۇبى-شىمالىدا شانلىق سەھىپە پۈتۈش» چوڭ تىپتىكى مەركەزلىك زىيارەت قىلىش پائالىيىتى زىيارەت ئۆمىكىدىكىلەر ئۈرۈمچىدىكى شىنجاڭ 1-ئاۋغۇست پولات-تۆمۈر گۇرۇھى چەكلىك شىركىتىگە كېلىپ، شىنجاڭدىكى كۆلىمى ئەڭ چوڭ پولات-تۆمۈر كارخانىسىنىڭ تەرەققىي قىلىپ زورىيىش مۇساپىسىنى زىيارەت قىلدى، شىنجاڭ سانائىتىنىڭ «يېڭى بولۇش» «ئاقىل بولۇش» «يېشىل بولۇش»قا قاراپ تىپ ئۆزگەرتىۋاتقانلىقىنىڭ جانلىق كارتىنىسىنى ئىگىلىدى.
9-ئاينىڭ 8-كۈنى، شىنجاڭ 1-ئاۋغۇست پولات-تۆمۈر گۇرۇھى چەكلىك شىركىتىنىڭ سوغۇق پىروكاتلاش سېخىدا، خىزمەتچى خادىم ئىشلەپچىقىرىلىۋاتقان سوغۇق پىروكاتلانغان پولات ئورالمىنى تەكشۈرمەكتە.
9-ئاينىڭ 8-كۈنى، زىيارەت ئۆمىكىدىكىلەر شىنجاڭ 1-ئاۋغۇست پولات-تۆمۈر گۇرۇھى چەكلىك شىركىتىنىڭ زاۋۇت تارىخى سارىيىنى ئېكسكۇرسىيە قىلدى.
70 نەچچە يىللىق ئەجىر سىڭدۈرۈش ئارقىلىق، شىنجاڭ 1-ئاۋغۇست پولات-تۆمۈر گۇرۇھى چەكلىك شىركىتى ھازىر 1-ئاۋغۇست پولات-تۆمۈر باش ئىشتابى، بايىنغولىن ئوبلاستلىق پولات-تۆمۈر شىركىتى، ئىلى پولات-تۆمۈر چەكلىك مەسئۇلىيەت شىركىتىدىن ئىبارەت ئۈچ چوڭ پولات-تۆمۈر ئىشلەپچىقىرىش بازىسى، شۇنداقلا كوكس كۆمۈرى گۇرۇھى، 1-ئاۋغۇست كانچىلىق گۇرۇھى قاتارلىق بايلىق ئىشلەپچىقىرىش بازىلىرىنى شەكىللەندۈردى، يىللىق ئىشلەپچىقىرىش ئىقتىدارى 10 مىليون توننا دەرىجىسىگە يېتىپ، شىنجاڭدىكى كەسىپ زەنجىرى ئەڭ ئۇزۇن، ئىشلەپچىقىرىش ئىقتىدارى ئەڭ چوڭ، مەھسۇلات تۈرى ئەڭ تولۇق پولات-تۆمۈر كارخانىسى بولۇپ قالدى.
