شىنجاڭغا نىشانلىق ياردەم بېرىش تىيانشاندا مەۋج ئۇردى| قەشقەر پەن-تېخنىكا سارىيى: شېنجېن بىلەن قەشقەرنىڭ يۇغۇرۇلۇشىنىڭ شانلىق «يېڭى نام كارتىسى»

    ئانار بۇلۇت\شىنجاڭ گېزىتى خەۋىرى(مۇخبىر ئۆتكۈر نىجات خەۋىرى، فوتوسى ) 8-ئاينىڭ 15-كۈنى، قەشقەر پەن-تېخنىكا سارىيى ئەقىل-پاراسەت نۇرى كۆرگەزمە زالىدا، بالىلارنىڭ ھاياجانلىق سادالىرى تۇرۇپ-تۇرۇپ ئەۋجىگە چىقاتتى. شۇ كۈنى، «شىنجاڭغا نىشانلىق ياردەم بېرىش تىيانشاندا مەۋج ئۇردى» باش تېما زىيارەت كوللېكپىتىنىڭ ئەزالىرى بۇ پەن-تېخنىكا تۇيغۇسىغا تولغان ئىمارەتكە كېلىپ، ئۇنىڭغا يوشۇرۇنغان شېنجېن−قەشقەر ھەمكارلىقىنىڭ ھاياتىي كۈچى ئۈستىدە ئىزدەندى.

8-ئاينىڭ 15-كۈنى، قەشقەر پەن-تېخنىكا سارىيىدىن بىر كۆرۈنۈش.

    ئومۇمىي قۇرۇلۇش كۆلىمى 11 مىڭ 800 كىۋادرات مېتىر كېلىدىغان بۇ پەن-تېخنىكا سارىيى شېنجېننىڭ شىنجاڭغا ياردەم بېرىشتىكى چوڭقۇر دوستلۇقىنىڭ جانلىق گۇۋاھچىسى. پىلان تۈزۈلۈپ 2023-يىلى پۈتۈپ ئىشقا كىرىشتۈرۈلگۈچە، ھەر بىر پارچە خىشقا ئىككى جاينىڭ قول تۇتۇشۇپ ئورتاق ئىلگىرىلەش ئىرادىسى مۇجەسسەملەنگەن. قەشقەر شەھىرىنىڭ يېڭى دەۋردىكى پەن-تېخنىكىنى ئومۇملاشتۇرۇش ئىشلىرىنى ئالغا سىلجىتىش، «شىنجاڭنى مەدەنىيەت ئارقىلىق ئوزۇقلاندۇرۇش» خىزمىتىنى پۇختا يولغا قويۇشتىكى يادرولۇق بازا بولۇش سۈپىتى بىلەن، قەشقەر پەن-تېخنىكا سارىيى ئالتە كۆرگەزمە زالى ۋە ئۈچ ئالاھىدە تىياتىرخانىدا تاغ-دېڭىزدىن ھالقىغان پەن-تېخنىكا كارتىنىسىنى سىزىپ چىقتى.

8-ئاينىڭ 15-كۈنى، شەھەر ئاھالىسى قەشقەر پەن-تېخنىكا سارىيى ئىلىم-پەن سىرلىرى ئۈستىدە ئىزدىنىش كۆرگەزمە زالىدا تۈرنى ھېس قىلماقتا.

8-ئاينىڭ 15-كۈنى، بىر كىچىك دوست قەشقەر پەن-تېخنىكا سارىيىنىڭ بالىلار ئارزۇسىنى ئىشقا ئاشۇرۇش كۆرگەزمە زالىدا تۈرنى ھېس قىلماقتا.

8-ئاينىڭ 15-كۈنى، كىچىك دوستلار قەشقەر پەن-تېخنىكا سارىيىنىڭ ئىلىم-پەن سىرى ئۈستىدە ئىزدىنىش كۆرگەزمە زالىدا كۇبىك ماشىنا ئادەم تۈرىنى ھېس قىلماقتا.

     قەشقەر پەن-تېخنىكا سارىيى 2023-يىلى 10-ئاينىڭ 25-كۈنى ئېچىلغان. ئۇنىڭ قۇرۇلۇشى قەشقەرنىڭ پەننى ئومۇملاشتۇرۇش ئىشلىرىغا كۈچلۈك ھەرىكەتلەندۈرگۈچى كۈچ قوشۇپلا قالماستىن، تېخىمۇ مۇھىمى شېنجېن بىلەن قەشقەرنىڭ مەدەنىيەت، مائارىپ ۋە پەن-تېخنىكا ساھەسىنى تۇتاشتۇرىدىغان مۇستەھكەم كۆۋرۈككە ئايلىنىپ، تىيانشان ئېتىكىدە ھەمكارلىشىپ تەڭ نەپ ئېلىشنىڭ پارلاق نۇرىنى چېچىپ، قەشقەرنىڭ يارقىن «يېڭى نام كارتىسى»غا ئايلاندى.