يازلىق تەتىللىك ساياھەت ئاۋات مەزگىلىنىڭ يېقىنلىشىشىغا ئەگىشىپ، جۇڭگو جەنۇب ئاۋىياتسىيەسى خېنەن ئاۋىياتسىيە چەكلىك شىركىتى 6-ئاينىڭ 20-كۈنىدىن باشلاپ، جېڭجوۋ-غۇلجا، جېڭجوۋ-قومۇل، جېڭجوۋ-ئالتاي لىنىيەسىدە بىۋاسىتە ئۇچىدىغان نۆۋەتچى ئايروپىلاننى كۆپەيتىپ، ئوتتۇرا ۋە غەربىي قىسىم رايونلارنىڭ يازلىق تەتىللىك ساياھەت ئىقتىسادىغا ھەمتۈرتكە بولۇش ئۈچۈن كۈچ قوشىدۇ.
يېڭىدىن كۆپەيتىلگەن جېڭجوۋ-غۇلجا لىنىيەسىدە قاتنايدىغان نۆۋەتچى ئايروپىلان ھەر كۈنى بىر نۆۋەت قاتنايدۇ، نۆۋەتچى ئايروپىلان نومۇرى بولسا CZ5391/2، نۆۋەتچى ئايروپىلاننىڭ قاتناش ۋاقتى سائەت 20:30دا جېڭجوۋدىن ئۇچۇپ، ئەتىسى سائەت 01:35تە غۇلجىغا يېتىپ بارىدۇ، 2-كۈنى سائەت 08:30دا غۇلجىدىن ئۇچۇپ، سائەت 12:50دە جېڭجوۋغا قايتىپ بارىدۇ. يېڭىدىن كۆپەيتىلگەن جېڭجوۋ-قومۇل لىنىيەسىدە قاتنايدىغان نۆۋەتچى ئايروپىلان ھەر ھەپتىنىڭ دۈشەنبە، چارشەنبە، جۈمە ۋە يەكشەنبە كۈنى بىر نۆۋەت قاتنايدۇ، نۆۋەتچى ئايروپىلان نومۇرى بولسا CZ8589/90، نۆۋەتچى ئايروپىلاننىڭ قاتناش ۋاقتى سائەت 08:10دا جېڭجوۋدىن ئۇچۇپ، سائەت 11:50دە قومۇلغا يېتىپ بارىدۇ، سائەت 12:40تا قومۇلدىن ئۇچۇپ، سائەت 15:45دە جېڭجوۋغا قايتىپ بارىدۇ. يېڭىدىن كۆپەيتىلگەن جېڭجوۋ-ئالتاي لىنىيەسىدە قاتنايدىغان نۆۋەتچى ئايروپىلان ھەر ھەپتىنىڭ سەيشەنبە، پەيشەنبە، شەنبە كۈنلىرى بىر نۆۋەت قاتنايدۇ، نۆۋەتچى ئايروپىلان نومۇرى بولسا CZ5689/90، نۆۋەتچى ئايروپىلاننىڭ قاتناش ۋاقتى سائەت 15:15تە جېڭجوۋدىن ئۇچۇپ، سائەت 20:10دا ئالتايغا يېتىپ بارىدۇ، سائەت 21:00دە ئالتايدىن ئۇچۇپ، ئەتىسى سائەت 01:10دا جېڭجوۋغا قايتىپ بارىدۇ. (شى باۋيىن، چېن بو، خۇ مېڭ)
مەنبە: شىنخۇا ئاگېنتلىقى تېرمىنالى
«ئانار بۇلۇت»تىن ئېلىپ تەرجىمە قىلىندى
