ئاڭلىسام بەدەن چېنىقتۇرۇش توپىدىكىلەر، قورساققا ئامراقلار، كۈتۈنۈش توپىدىكىلەرنىڭ ھەممىسى ئوخشاش تۈردىكى «ئالتۇن پۇرچاق»نى تالىشىۋېتىپتۇ، شۇنداقمۇ؟
شەكلى بۈركۈت تۇمشۇقىغا ئوخشايدىغان پۇرچاق ___
مورى نوقۇتى
ئاقسىل مىقدارى يۇقىرى بولۇشتەك ئالاھىدىلىكى بىلەن
ساغلام ئوزۇقلىنىشتىكى تونۇشىڭىزنى يېڭىلايدۇ
شەكىل-رەڭ جەھەتتە تەڭدىشى يوق «پۇرچاق شاھى»
نوقۇت. مەنبە: مورى نۆل ئارىلىق
نوقۇت ئادەتتە تاۋدوۋ (桃豆) دەپمۇ ئاتىلىدۇ
شەكلى بۈركۈت تۇمشۇقىغا ئوخشايدىغان بولغاچقا
دۆلەت تىلىدا يىڭزۈيدوۋ «yīng zuǐ dòu 鹰嘴豆» دەپ ئاتالغان
بۇ ئىسىم ئاڭلىماققا غەلىتە ھەم قاتتىق تەسىر بەرسىمۇ
ئەمەلىيەتتە ئۇ «ئاغزى ئىتتىك بولسىمۇ كۆڭلى ياخشى» بولۇپ
پىشۇرغاندىن كېيىن ياڭيۇ بوتقىسىغا ئوخشاش يۇمشاق، يېپىشقاق بولىدۇ
يەنە كاشتاندەك خۇش پۇرايدۇ
قۇرۇق نوقۇت تەركىبىدىكى ئاقسىل مىقدارى 21.2 گىرام/100 گىرامغا يېتىدۇ
نوقۇت تەركىبىدىكى ئاقسىل ئەلا سۈپەتلىك ئاقسىلغا تەۋە بولۇپ
ئادەم بەدىنى ئۈچۈن زۆرۈر بولغان سەككىز خىل ئامىنو كىسلاتاسىنى ئۆز ئىچىگە ئالىدۇ
ئۇنىڭ ئۈستىگە نىسبىتى مۇۋاپىق، پايدىلىنىش نىسبىتى ناھايىتى يۇقىرى
ئۇنىڭدىن باشقا، قۇرۇق نوقۇتنىڭ يېمەكلىك تالاسى 11.6 گرام/100 گىرامغا يېتىدۇ
يېمەكلىك تالاسى ئۈچەينىڭ لۆمۈلدىشىنى ئىلگىرى سۈرىدۇ
نوقۇت تەركىبىدىكى ياغ تويۇنمىغان ياغ كىسلاتاسىنى ئاساس قىلىدۇ
تويۇنمىغان ياغ كىسلاتاسى ياغ مېتابولىزمىنى تەڭشەش رولىغا ئىگە
پەقەت زىيادە ئىستېمال قىلمىساقلا، قاندىكى ماينى كونتىرول قىلىشقا نىسبەتەن پايدىسى زىيىنىدىن كۆپ
يىغىپ ئېيتقاندا، ئەگەر «ئېغىزىڭىزنىڭ ئىچى پۇشۇپ قالسا»
نوقۇت ئۇششاق يېمەكلىكلەر ئىچىدىكى ياخشى تاللىشىڭىز بولالايدۇ
«تىيانشان غەلىتە پۇرچىقى»نىڭ ئوزۇقلۇقى توغرىسىدىكى سوئاللارغا جاۋاب
نوقۇتنىڭ توق دان تۇتۇش ئەھۋالى كىشىنى خۇشال قىلىدۇ. ئىختىيارىي مۇخبىر زۇ رۇڭنيەن فوتوسى
مورى ناھىيەسىنىڭ ئەزەلدىن «جۇڭگو نوقۇت ماكانى» دېگەن چىرايلىق نامى بار
تېرىقچىلىق تارىخى ئۇزاق
بۇ يەر شىمالىي شىنجاڭدىكى مۆتىدىل بەلباغ چۆلىگە جايلاشقان
روشەن قۇرغاق چوڭ قۇرۇقلۇق كىلىمات ئالاھىدىلىكىگە ئىگە
ياز پەسلى قىسقا ھەم سالقىن بولۇپ، نوقۇتنىڭ ئۆسۈشىگە ئىنتايىن ماس كېلىدۇ
شۇ جايدىكى كىشىلەر تەرىپىدىن «تىيانشان غەلىتە پۇرچىقى» دەپ ئاتالغان بۇ كىچىك پۇرچاق
مول ئوزۇقلۇق ۋە ساقلىقنى ساقلاش ئۈنۈمىگە تايىنىپ بازار تېپىپ
شۇ جايدىكى تۈۋرۈك كەسىپلەرنىڭ بىرى بولۇپ قالدى
مورى ناھىيەسى دۆلەت ئىچىدىكى بىردىنبىر نوقۇت سورتلۇق ئۇرۇقىنى يېتىشتۈرۈش بازىسى ۋە ئاپتونوم رايون دەرىجىلىك قۇرۇلۇش تېخنىكا تەتقىقات مەركىزى بولۇپ قۇرۇلۇپ
كۆپ خىل ئەلا سۈپەتلىك سورت يېتىشتۈرۈپ
نوقۇت تالقىنى، مەززىلىك چۈرۈك نوقۇت، نوقۇت پېچىنە-پىرەنىكى قاتارلىق مەھسۇلاتلارنى تەتقىق قىلىپ چىقىپ
دۆلەت ئىچى ۋە سىرتىدا بازار تاپتى
ھەقىقىي مورى نوقۇتىنى قانداق پەرقلەندۈرىمىز
مورى نوقۇتى. مەنبە: مورى قازاق ئاپتونوم ناھىيەسى يۇغۇرما تاراتقۇ مەركىزى
شەكلى: بۈركۈت تۇمشۇقىنىڭ ئېگىلگەن ھالىتىگە ئوخشايدۇ، يۇپيۇمىلاق شەكىلدىكىسى ساختا مال
رەڭگىنى پەرقلەندۈرۈش: كۈن نۇرى ئاستىدا تەدرىجىي ئۆزگىرىدىغان ئۆزگىچە سۇس ئالتۇن رەڭ كۆرۈنىدۇ، بويالغان پۇرچاق سۇغا يولۇقسا رەڭگى ئۆچۈپ كېتىدۇ
قاتتىقلىق دەرىجىسى: تىيانشاننىڭ قار سۈيى ئوزۇقلاندۇرغان پۇرچاقنىڭ زىچلىقى تېخىمۇ يۇقىرى بولۇپ، يەرگە چۈشكەندە ئالتۇن-كۈمۈشلەر يەرگە چۈشكەندەك ئاۋاز ئاڭلىنىدۇ
پۇرىقى ۋە تەمى: ئىلمان سۇغا چىلىغاندىن كېيىن كاشتاننىڭ سۇس تاتلىق ھىدىغا ئوخشاش پۇراق تارقىلىدۇ، تەمى قىرتاق ئەمەس
—————
قۇم-بوراننى ھالقىپ ئۆتكەن بۇ «ئالتۇن پۇرچاق»
چۆلدىكى شامالنى، تىيانشاندىكى قارنى يېقىشلىق تەمگە
يىللارنى ساغلاملىق ھەدىيەسىگە ئايلاندۇرۇپ
تەم سەزگۈسىدە تۇپراقنىڭ چوڭقۇر مۇھەببەت ئىزھارىنى چۈشىنىش
ئوزۇقلۇق قوبۇل قىلىش جەريانىدا تەبىئەت بېغىشلىغان ھاياتلىق كۈچىنى ھېس قىلىش ئىمكانىيىتىگە ئىگە قىلىدۇ
نازارەت قىلغۇچى: دىڭ تاۋ
پىلانلىغۇچى: لولىڭ
مەزمۇننى تەييارلىغۇچى: فەن گوبىن
ئېلاننى لايىھىلىگۈچى: شى رۇي
ماتېرىيال مەنبەسى: خەلق گېزىتى، شىنخۇا تورى، جۇڭگو ئاخبارات تورى، مەركىزىي خەلق رادىيو ئىستانسىسى تورى، ئانار بۇلۇت ئابونچىلار تېرمىنالى، مورى قازاق ئاپتونوم ناھىيەلىك يۇغۇرما تاراتقۇ مەركىزى، مورى نۆل ئارىلىق ۋىيشىن ئاممىۋى سۇپىسى
