تىيانشان تورى-شىنجاڭ گېزىتى خەۋىرى (مۇخبىر ۋاڭ چىمىڭ خەۋەر قىلىدۇ) باش ياز مەۋسۇمى يېتىپ كەلدى، پامىر ئېگىزلىكىدىكى ۋاقىت تەبىئىيلا ئەتىياز بىلەن ياز ئارىلىقىدا، تاغ-دەريا، ئوتلاقلاردا ئاستا-ئاستا ئۆتمەكتە. تىزگىنەكلىك ئۇچقۇدا سۈرەتكە تارتىلغان ئارال دۆلەت سۇلۇق يەر باغچىسىنىڭ ئۆزگىچە مەنزىرىسىدىن ھۇزۇرلىنايلى.
تۇتاش كەتكەن تاغلار بىردەم ئېگىزلەپ بىردەم پەسىيەتتى: قارلىق تاغ چوققىسىدىكى ئاپئاق قار ئاسمانغىچە سوزۇلغانىدى؛ تاغ قاپتىلىدا، كەڭ جاھان ھەر خىل قىياپەتتە نامايان بولاتتى.
ئېقىن سۇلار توختىماي ئېقىپ تۇراتتى: يېشىل رەڭ، كۆك رەڭ، سېرىق رەڭدە، ئۇزۇن ۋە ئەگرى-بۈگرى ئاقاتتى؛ ياكى تۇپراق ئىچىدە، يىلتىز غولىدا غايىب بولاتتى، ياكى ئالدىغا قاراپ ئېقىپ، تاغ جىلغىسىدا شىلدىرلايتتى.
ئوت-چۆپلەردە پەسىل ئالماشقانىدى: قېنىق قوڭۇر رەڭ، ئالتۇن رەڭ، ئاقۇچ سېرىق رەڭ، يۇمران يېشىل رەڭ، ئاقۇچ ھال رەڭ... ؛ پارچە-پارچە، بۆلەك-بۆلەك بولۇپ، ئۆزئارا سىغىشىپ، بىر-بىرىنى تولۇقلاپ، ئۆزگىچە نامايان بولۇپ تۇراتتى؛ توپ-توپ، قاتار-قاتار دەرەخلەر، بىر-بىرىنى قۇچاقلاپ، بىر-بىرىگە ھۆسىن قوشۇپ، بىر-بىرىگە ماسلاشقانىدى.
قوي-كالىلار ئىللىق قۇياش نۇرىدىن ھۇزۇرلىنىپ، يېڭى ئوت-چۆپلەرنى ئوتلىماقتا ئىدى: توپ-توپ قوي-كالىلار باھاردىكى يۇمران ئوت-چۆپلەر، ئېرىگەن تاتلىق قار سۇلىرىدىن قانغۇچە ھۇرۇلىناتتى، ئۇلار شۇنچە غەمسىز، خاتىرجەم.
5-ئاينىڭ 3-كۈنى، بوشلۇقتىن سۈرەتكە تارتىلغان پامىر ئېگىزلىكىدىكى ئارال دۆلەت سۇلۇق يەر باغچىسىدا، قارلىق تاغدىن ئېرىپ چۈشكەن سۇلار ئوتلاقتا ئېقىپ، ھاياتلىقنى ئوزۇقلاندۇرماقتا.
لى جەنپېڭ فوتوسى
5-ئاينىڭ 3-كۈنى، بوشلۇقتىن سۈرەتكە تارتىلغان پامىر ئېگىزلىكىدىكى ئارال دۆلەت سۇلۇق يەر باغچىسىدا، ئېگىزلىكتىكى سۇلۇق يەر رەڭگارەڭ تۈسكە كىرگەنىدى.
لى جەنپېڭ فوتوسى
5-ئاينىڭ 3-كۈنى، بوشلۇقتىن سۈرەتكە تارتىلغان پامىر ئېگىزلىكىدىكى ئارال دۆلەت سۇلۇق يەر باغچىسىدا، قوي-كالىلار سۇ كېچىپ ئوزۇق ئىزدىمەكتە.
لى جەنپېڭ فوتوسى
5-ئاينىڭ 3-كۈنى، بوشلۇقتىن سۈرەتكە تارتىلغان پامىر ئېگىزلىكىدىكى ئارال دۆلەت سۇلۇق يەر باغچىسىدا، تاغ يولىنى بويلاپ ئۆز ئاپتوموبىل ساياھىتى قىلسىڭىز ئېگىزلىكتىكى سۇلۇق يەرنىڭ ئۆزگىچە مەنزىرىسىنى تاماشا قىلالايسىز.
لى جەنپېڭ فوتوسى
