مۇخبىرنىڭ قاتناش-تىرانسپورت مىنىستىرلىقىدىن ئىگىلىشىچە، 5-ئاينىڭ 1-كۈنىدىن 5-ئاينىڭ 5-كۈنىگىچە، پۈتۈن جەمئىيەتتە رايون ھالقىپ يۆتكەلگەنلەر جەمئىي 1 مىليارد 467 مىليون ئادەم قېتىم بولغان، كۈنىگە ئوتتۇرا ھېساب بىلەن 293 مىليون ئادەم قېتىمغا يېتىپ، بۇلتۇرقى ئوخشاش مەزگىلدىكىدىن %8.0 ئاشقان.
كۆكلەم سەيلىسى قىلىپ مەنزىرىلەرنى تاماشا قىلىش، سەپەرگە چىقىپ يىراقلارغا ساياھەتكە بېرىش... «1ـ ماي»لىق دەم ئېلىش مەزگىلىدە، مەدەنىيەت ۋە ساياھەت ئىستېمالى ئۈنۈملۈك قوزغىتىلىپ، دەم ئېلىش كۈنلىرىدە بازارنىڭ سىجىل جانلىنىشىغا تۈرتكە بولدى.
5-ئاينىڭ 4-كۈنى، ساياھەتچىلەر تيەنجىن شەھىرىنىڭ دۇڭلى رايونىدىكى سەييۇەنزى دېھقانچىلىق مەيدانىدا بېلىق تۇتۇش مۇسابىقىسىگە قاتناشماقتا. خەلق تورى مۇخبىرى سۈي شىنياۋ فوتوسى
5-ئاينىڭ 3-كۈنى، سەنشى ئۆلكىسىنىڭ تەييۈەن شەھىرى جىنيۇەن رايونىدىكى شاللىق باغچىسىدا، بىر كىچىك دوست خۇشال ھالدا بالىلار تۇرۇبىلىق چالغۇنى چالماقتا. خەلق تورى مۇخبىرى ۋاڭ فەن فوتوسى
5-ئاينىڭ 3-كۈنى، خېنەن ئەنياڭدىكى يىنشۈ مۇزېيىنىڭ چىغىناق-تاغاق يېزىقى كۆرگەزمە رايونىدا، ساياھەتچىلەر قەدىمىنى توختىتىپ كۆرگەزمىنى كۆرمەكتە. خەلق تورى مۇخبىرى دەن فاڭ فوتوسى
5-ئاينىڭ 4-كۈنى، جىلىن ئۆلكىسىنىڭ دۈنخۇا شەھىرىدىكى بېيشەن باغچىسىدا، شەھەر ئاھالىلىرى ۋە ساياھەتچىلەر پەلەمپەي بىلەن ئېگىزگە چىقىپ، ئىنقىلابىي قۇربانلار خاتىرە مۇنارىغا بېرىپ، ئىنقىلابىي قۇربانلارنى ياد ئەتتى. خەلق تورى مۇخبىرى ۋاڭ خەييۆ فوتوسى
5 -ئاينىڭ 4-كۈنى، جىلىن ئۆلكىسىنىڭ چاڭچۇن شەھىرىدىكى نەنخۇ باغچىسى مەنزىرە رايونىدا، ساياھەتچىلەر كۆلدە قېيىق ھەيدەپ ئارام ئالماقتا. خەلق تورى مۇخبىرى لى ياڭ فوتوسى
5 -ئاينىڭ 4-كۈنى، خېنەننىڭ لىنجوۋدىكى تەيخاڭشەن تېغى چوڭ جىلغىسىدا، ساياھەتچىلەر سۈزۈك سۇ، يېشىل تاغلاردىن ھۇزۇرلىنىپ ئارام ئالماقتا. خەلق تورى خو ياپىڭ فوتوسى
5 - ئاينىڭ 2 -كۈنى، جىلىن ئۆلكىسىنىڭ چاڭبەيشەن تېغى شىمالىي مەنزىرە رايونىدا، باھاردا ياغقان قار چاڭبەيشەن تېغىغا كۈمۈش لىباس كىيدۈرۈپ، سۈرەتتەك گۈزەل تۈسكە كىرگۈزدى. خەلق تورى مۇخبىرى ۋاڭ دىيۇەن فوتوسى
5-ئاينىڭ 1-كۈنى، ساياھەتچىلەر خېنەن نەنياڭدىكى شىجېي ئەتىرگۈل تاماشا قىلىش باغچىسىدا گۈللەرنى تاماشا قىلماقتا. خەلق تورى مۇخبىرى ۋاڭ يۈشىڭ فوتوسى
5 - ئاينىڭ 3 - كۈنى، بېيجىڭ تۇڭجوۋ بېييۈن دەرياسى بويىدا، شەھەر ئاھالىلىرى ۋە ساياھەتچىلەر دالىدا قونۇپ ئارام ئالغاچ، قانالنىڭ گۈزەل مەنزىرىسىدىن ھۇزۇرلىنىپ، تەبىئەتكە يەنىمۇ يېقىنلاشتى. خەلق تورى مۇخبىرى ۋېڭ چىيۈ فوتوسى
5 - ئاينىڭ 2 - كۈنى، بىر مەيدان زاڭزۇچە توي مۇراسىمى شىزاڭنىڭ لاسا شەھىرى چېڭگۇەن رايونىدىكى گاڭدۈي ئولتۇراق رايونىدا ئۆتكۈزۈلمەكتە. خەلق تورى مۇخبىرى سىرېن لوبۇ فوتوسى
سىز دەم ئېلىشنى قانداق ئۆتكۈزدىڭىز؟
«خەلق تورى»دىن ئېلىپ تەرجىمە قىلىندى
