يېقىندا، بىر تور ئەھلى جەمئىيەت ئالاقە سۇپىسىدا «شىنجاڭنىڭ قىسمەن رايونلىرىدا كۈچلۈك قۇم-بورانلىق ھاۋارايى ۋە قاتتىق بوران كۆرۈلدى، قەشقەر، خوتەن قاتارلىق جايلاردا دەرس، ئىش توختىتىش تەدبىرى قوللىنىلدى» دېگەندەك مۇناسىۋەتلىك ئۇچۇرلارنى تارقىتىپ، جەمئىيەتنىڭ دىققىتىنى قوزغىغان.
خوتەن ۋىلايەتلىك مېتېئورولوگىيە ئىدارىسىنىڭ تەكشۈرۈپ ئېنىقلىشىچە، توردا تارقالغان بۇ ئۇچۇر پىتنە-ئىغۋا ئىكەن.
سۈرەتنى خوتەن ۋىلايەتلىك مېتېئورولوگىيە ئىدارىسى تەمىنلىگەن.
تور بىخەتەرلىكى ۋە ئۇچۇرلاشتۇرۇش تارماقلىرىنىڭ سەمىمىي ئەسكەرتىشى: ئىغۋا پەيدا قىلماسلىق، ئىغۋاغا ئىشەنمەسلىك، ئىغۋا تارقاتماسلىق، ھۆكۈمەت ئېلان قىلغان نوپۇزلۇق ئۇچۇرلارنى ئۆلچەم قىلىپ، پىتنە-ئىغۋاغا ئورتاق قارشى تۇرۇپ، ئىناق، مۇقىم بولغان جەمئىيەت مۇھىتىنى قوغدىشىمىز كېرەك.
«تىيانشان تورى» ۋىيشىن ئاممىۋى سۇپىسىدىن ئېلىپ تەرجىمە قىلىندى
