3-ئاينىڭ 17-كۈنى، ئالى بابا گۇرۇھى قارمىقىدىكى 1688 سۇپىسى «ياخشى سودا يىغىنى»دا، 3-ئاينىڭ ئاخىرىدىن باشلاپ «پەقەت پۇلنىلا قايتۇرۇش»نى ئومۇميۈزلۈك ئەمەلدىن قالدۇرىدىغانلىقىنى ئېلان قىلدى. سۇپا تاۋارنىڭ سۈپەت مەسىلىسىگە ئائىت سودا ماجرالىرىنى بىر تەرەپ قىلغاندا، ھېسابات نومۇرىنىڭ سەمىمىيەت ئەھۋالىغا ئاساسەن ھۆكۈم قىلىدۇ، تەلەپكە ئۇيغۇن كەلگەنلىرىگە سۇپا مەبلەغ چىقىرىپ سېتىۋالغۇچىغا ياردەم پۇل بېرىدۇ. سودىگەرلەر ئالاقىدار خىراجەتلەرنى ئۈستىگە ئالمىسىمۇ بولىدۇ، ياردەم پۇل بېرىلگەندىن كېيىن، تاۋارنى قايتۇرۇش ھاجەتسىز، باشقا پۇل قايتۇرۇش ئىلتىماسىنى سودىگەرلەر ئۆز ئالدىغا بىر تەرەپ قىلسا بولىدۇ.
مەنبە: مەركىزىي خەلق رادىيو ئىستانسىسى تورى
«شىنجاڭ گېزىتى» ۋىيشىن ئاممىۋى سۇپىسىدىن ئېلىپ تەرجىمە قىلىندى
