− 14 ـ نۆۋەتلىك مەملىكەتلىك خەلق قۇرۇلتىيى 3 ـ يىغىنىنىڭ يېپىلغانلىقى توغرىسىدا خاتىرە
□ شىنخۇا ئاگېنتلىقى مۇخبىرى سۈن شاۋلۇڭ
باھار كېلىپ گۈللەر غۇنچىلىدى، يۈلەن گۈلى پورەكلەپ ئېچىلدى. 3 ـ ئايدىكى پايتەخت بېيجىڭ باھار تۈسىگە كىرگەنىدى.
3 ـ ئاينىڭ 11 ـ كۈنى چۈشتىن كېيىن، مەملىكەتلىك خەلق قۇرۇلتىيىنىڭ 3000غا يېقىن ۋەكىلى خەلق سارىيىغا جەم بولۇپ، 14 ـ نۆۋەتلىك مەملىكەتلىك خەلق قۇرۇلتىيى 3 ـ يىغىنىنىڭ يېپىلىش يىغىنىغا قاتناشتى.
مەملىكەتلىك خەلق قۇرۇلتىيى ۋەكىلى خې گۇاڭخۇا قاتتىق ھاياجانلاندى. بىرنەچچە كۈن ئىلگىرى، خەلق سارىيىنىڭ شەرقىي چوڭ زالىدا، ئۇ باش شۇجى شى جىنپىڭنىڭ جياڭسۇ ۋەكىللەر ئۆمىكىنىڭ قاراپ چىقىشىغا قاتناشقاندا قىلغان مۇھىم سۆزىنى نەق مەيداندا كۆڭۈل قويۇپ ئاڭلىغانىدى.
«بۇ يىل <14 ـ بەش يىل>لىق يىرىك پىلان تاماملىنىدىغان يىل، پەقەت باتۇرلۇق بىلەن ئېغىر ۋەزىپىنى زىممىگە ئېلىپ، قىيىنچىلىققا قارشى ئالغا ئىلگىرىلىگەندىلا، نىشان ـ ۋەزىپىلەرنى يۇقىرى سۈپەتتە تاماملاپ، <15 ـ بەش يىل>نى ياخشى باشلاشنى ئىشقا ئاشۇرۇشقا پۇختا ئاساس سالغىلى بولىدۇ.» خې گۇاڭخۇا مۇنداق دېدى: كەسىپ تېخنىك خادىمى بولۇش سۈپىتىم بىلەن، باش شۇجىنىڭ تەلىپىنى پۇختا، ياخشى ئەمەلىيلەشتۈرۈپ، پەن ـ تېخنىكىدا يېڭىلىق يارىتىش، كەسىپتە يېڭىلىق يارىتىشنى ئەمەلىي تۇتۇپ، تېخىمۇ كۆپ پەن ـ تېخنىكا نەتىجىلىرىنى تەجرىبىخانىدىن چىقىش، ئىشلەپچىقىرىش لىنىيەسىگە كىرىش، چوڭ بازارغا يۈزلىنىش ئىمكانىيىتىگە ئىگە قىلىمەن.
سەنشى ئۆلكىسىنىڭ جىنجۇڭ شەھىرى شىياڭ ناھىيەسى داجەي كەنتى پارتىيە باش ياچېيكىسىنىڭ شۇجىسى، 80 ياشقا يېقىنلىشىپ قالغان ۋەكىل گو فېڭليەننىڭ قەدەملىرى مەزمۇت ئىدى.
«مەسئۇلىيىتىمنى ئادا قىلغان 30 نەچچە يىلدا، مەن ئۆزىمىزنىڭ پارتىيە ۋە ھۆكۈمەت بىلەن خەلق ئاممىسى ئارىسىدا قۇرۇلغان كۆۋرۈك ئىكەنلىكىمىزنى بارغانسېرى ھېس قىلدىم.» گو فېڭليەن مۇنداق دېدى: يۇرتداشلار كۆڭۈل بۆلۈۋاتقان ئەخلەتنى بىر تەرەپ قىلىشتىن خاس كەسىپلەرنى تەرەققىي قىلدۇرۇشقىچە، مەن يېزا خىزمىتىنى چۆرىدەپ 100دىن ئارتۇق تەكلىپ سۇندۇم، كۆپىنچىسى قوبۇل قىلىندى.
شارائىتقا قاراپ ئىش كۆرۈپ، يېڭى سۈپەتلىك ئىشلەپچىقىرىش كۈچلىرىنى راۋاجلاندۇرۇشتىن تىجارەت ـ سودا مۇھىتىنى ئەلالاشتۇرۇشقىچە، ئەلا سۈپەتلىك مائارىپ بايلىقى بىلەن تەمىنلەشنى كۈچەيتىشتىن مەدەنىيەت ـ ساياھەت تەرەققىياتىدىكى يېڭى پۇرسەتنى چىڭ تۇتۇشقىچە... ئۇدا بىرقانچە كۈندىن بۇيان، ۋەكىللەر ھۆكۈمەت خىزمىتىدىن دوكلات قاتارلىقلارنى چۆرىدەپ ئەستايىدىل قاراپ چىقتى، تەكشۈردى، پائال چارە ـ تەدبىر كۆرسەتتى. تۇرۇشلۇق ئورۇنلىرىدا، يىغىن مەيدانىدا كۆپچىلىك ئىسلاھات ئۈستىدە توختالدى، خەلق تۇرمۇشى توغرىسىدا پاراڭلاشتى، تەرەققىيات ئۈستىدە كېڭەشتى، تولۇق پىكىر ئالماشتۇرۇپ، قىزغىن مۇزاكىرە قىلدى.
3 ـ ئاينىڭ 8 ـ كۈنى سائەت 12گىچە، يىغىن كاتىبات باشقارمىسى ۋەكىللەر سۇنغان جەمئىي 269 پارچە تەكلىپنى تاپشۇرۇۋالدى. بۇنىڭدىن باشقا، يىغىن كاتىبات باشقارمىسى يەنە ۋەكىللەرنىڭ 8000 پارچىدىن ئارتۇق تەۋسىيەسىنى تاپشۇرۇۋالدى.
«ھەم سەمىمىي، ئەمەلىي بولغان پىكىر ئالماشتۇرۇش بار، ھەم يۇقىرى ئۈنۈملۈك، ۋاقتىدا جاۋاب قايتۇرۇش ۋە ئەمەلىيلەشتۈرۈش بار.» بۇ يىلقى مەملىكەتلىك ئىككى يىغىندا، گۇاڭدۇڭ ئۆلكىلىك خەلق دوختۇرخانىسى (گۇاڭدۇڭ ئۆلكىلىك تېببىي پەنلەر ئاكادېمىيەسى) پارتىيە كومىتېتىنىڭ شۇجىسى، ۋەكىل جوۋ لىن ۋەكىللەر ئۆمىكىنىڭ قاراپ چىقىشىغا قاتناشقاندا، يەنىمۇ ئىلگىرىلىگەن ھالدا ئەلا سۈپەتلىك داۋالاش بايلىقىنى ئاساسىي قاتلامدا «بىۋاسىتە ھېس قىلىش» توغرىسىدىكى تەكلىپىنى ئوتتۇرىغا قويدى، ئەتىسىلا بۇ تەكلىپكە دۆلەت سەھىيە ـ ساغلاملىق كومىتېتىدىكى خىزمەتچى خادىملار جاۋاب قايتۇردى.
يېپىلىش يىغىنىدىن بۇرۇن، خەلق سارىيى مەركىزىي زالىنىڭ شىمالىي تەرىپىدە 3 ـ مەيدان «ۋەكىللەر يولى» كوللېكتىپ زىيارەت پائالىيىتى ئېلىپ بېرىلىۋاتاتتى.
ۋەكىل تەن شىنپىڭ يېرىگە تېرىغان «توپا مونەك»نىڭ كەنت ئاھالىلىرىنىڭ كىرىمىنى ئاشۇرۇشتىكى «ئالتۇن مونەك»كە ئايلانغانلىقىدەك خۇشاللىقتىن ھەمبەھرىلىدى، ۋەكىل ۋاڭ شيۇيىڭ قۇملۇق يەردە «توننىلىق ئاشلىق ئېتىزى» بەرپا قىلغانلىقىدەك ئارزۇنى ئىشقا ئاشۇرۇش ھېكايىسىنى سۆزلەپ بەردى، ۋەكىل زويا باقىت مەدەنىيەت يادىكارلىقلىرىغا ۋارىسلىق قىلىش ۋە ئۇنى جانلاندۇرۇشتىكى مەسئۇلىيەتچانلىقىنى نامايان قىلدى...
يىغىن مەزگىلىدە، ھەر ساھە، ھەر كەسىپ، پۈتۈن مەملىكەتنىڭ ھەرقايسى جايلىرىدىن كەلگەن جەمئىي 18 ۋەكىل «ۋەكىللەر يولى»دا مېڭىپ، ئارزۇغا ئىنتىلىش ھېكايىلىرىنى ھەمبەھرىلەپ، مەسئۇلىيەتنى ئادا قىلىش تەسىراتى توغرىسىدا كەڭ ـ كۇشادە سۆزلىشىپ، جۇڭگوچە دېموكراتىيەنىڭ قۇدرىتى ۋە ھاياتىي كۈچىنى جانلىق ئىزاھلىدى.
«ئوچۇق، دېموكراتىك، سىغدۇرۇشچان، ئۆزىگە ئىشىنىش، بۇلار <ۋەكىللەر يولى>دىن ئىبارەت بۇ كۆزنەك ئارقىلىق مەن جۇڭگونىڭ ئىككى يىغىنىدىن ئالغان ئەڭ بىۋاسىتە تەسىرات.» ئاۋسترالىيە ئاۋخۇا تېلېۋىزىيە تاراتقۇسىنىڭ باش مۇدىرى رېن چۇەنگۇڭ مۇنداق دېدى: ھەربىر جانلىق، ھەقىقىي ھېكايە كەڭ تەرەققىي قىلىۋاتقان دۆلەتلەرنىڭ زامانىۋىلاشتۇرۇش يولىنى كېڭەيتىشنى پايدىلىق ئىلھام بىلەن تەمىنلىدى.
10 مىڭ كىشىلىك چوڭ زالدا، كەيپىيات تەنتەنىلىك ھەم قىزغىن ئىدى. رەئىس سەھنىسىنىڭ ئۈستى تەرىپىدە، دۆلەت گېربى دەل ئوتتۇرىغا ئېگىز ئېسىلغان بولۇپ، ئىككى تەرەپتىكى قىزىل بايراقنىڭ نۇرىدا كۆزگە ئالاھىدە تاشلىنىپ تۇراتتى.
جاراڭلىق مارش، قىزغىن ئالقىش سادالىرى، خەلقنىڭ كاتتا مەرىكىسى. باش شۇجى شى جىنپىڭ يىغىن مەيدانىغا كىرگەندە، نەق مەيداندا كەيپىيات تېخىمۇ قىزغىن بولدى.
سائەت 15لەردە، يېپىلىش يىغىنى باشلاندى.
تۈرلۈك قارار ۋە قارار لايىھەسى بىر ـ بىرلەپ ئاۋازغا قويۇلدى.
ۋەكىللەر ئېلېكتىرونلۇق ئاۋاز بېرىش كۇنۇپكىسىنى ئارقا ـ ئارقىدىن باستى. خەلقنىڭ ھىمايىسى مۇجەسسەملەنمەكتە، دۆلەتنىڭ ئىرادىسى شەكىللەنمەكتە، پارتىيە رايى ۋە خەلق رايى ئوخشاش يۆنىلىشتە تەڭ قەدەمدە ئىلگىرىلىمەكتە.
«ئىتتىپاقلىق − كۈچ، كۈرەش قىلىش كەلگۈسىنى يارىتىدۇ.» تېلېۋىزوردا بىۋاسىتە كۆرسىتىش ئارقىلىق يېپىلىش يىغىنىنى پۈتۈن جەريانلىق كۆرگەن دۆلەت دەرىجىدىن تاشقىرى ھېسابلاش ۋۇشى مەركىزىنىڭ مۇدىر ياردەمچىسى گەن لىن چوڭقۇر ھاياجانلانغان ھالدا مۇنداق دېدى: «بىز دۆلەتنىڭ تەرەققىياتى ۋە دەۋر تەرەققىياتى ئېلىپ كەلگەن ياخشى پۇرسەتنى چىڭ تۇتۇپ، كەسپىي ساھەدە تېخىمۇ مۇكەممەل بولۇشقا ئىنتىلىپ، تېخنىكىلىق قىيىن مەسىلىلەرنى تىرىشىپ ھەل قىلىپ، پەن ـ تېخنىكىدا يېڭىلىق يارىتىش بىلەن كەسىپ ئېھتىياجىنى <قوش يۆنىلىشلىك ئاتلىنىش> ئىمكانىيىتىگە ئىگە قىلىشىمىز كېرەك».
سائەت 15تىن 30 مىنۇتلار ئۆتكەندە، يىغىن ھەيۋەتلىك دۆلەت شېئىرى ساداسى ئىچىدە غەلىبىلىك يېپىلدى.
ۋەكىللەر تولۇپ تاشقان ئىشەنچ، كۈچ ۋە ئىپتىخارلىق بىلەن يىغىن مەيدانىدىن چىقتى، ئۇلار پات ئارىدا ئۆز خىزمەت ئورۇنلىرىغا ئاتلىنىپ، ئەمەلىي ھەرىكىتى ئارقىلىق يىغىن روھىنى تەشۋىق قىلىدۇ، ئىزچىللاشتۇرىدۇ، ئەمەلىيلەشتۈرىدۇ.
بۇ ئىشەنچ پارتىيەنىڭ ئومۇميۈزلۈك رەھبەرلىكىدە تەۋرەنمەي چىڭ تۇرۇشتىن كەلگەن −
«پارتىيەنىڭ رەھبەرلىكى جۇڭگوچە زامانىۋىلاشتۇرۇشنىڭ تۈپ يۆنىلىشىگە، ئىستىقبالى ـ تەقدىرىگە، ئاخىرقى ھېسابتا مۇۋەپپەقىيەت قازىنىشى ياكى مەغلۇپ بولۇشىغا بىۋاسىتە مۇناسىۋەتلىك.» ئىچكى موڭغۇل ئاپتونوم رايونىنىڭ جوزى ناھىيەسى شىباتەي بازىرى خۇاڭچىتەن كەنتى پارتىيە ياچېيكىسىنىڭ شۇجىسى، كەنت ئاھالە كومىتېتىنىڭ مۇدىرى، ۋەكىل شۆ جىلۇڭ مۇنداق دېدى: داۋاملىق تۈردە يۇقىرى سۈپەتلىك پارتىيە قۇرۇلۇشىنى يېتەكچى قىلىپ، پارتىيە ئەزالىرى ئاۋانگارتلار ئىش ئورنى تەسىس قىلىش قاتارلىق تەدبىرلەر ئارقىلىق، پارتىيە ئەزالىرى، كادىرلارنىڭ غەيرىتىنى، ھاياتىي كۈچىنى تولۇق ئۇرغۇتۇپ، يۇرتداشلارنى تۇرمۇشىنى بارغانسېرى ياخشىلاشقا ئىتتىپاقلاشتۇرىمىز، يېتەكلەيمىز.
بۇ كۈچ خەلقنى مەركەز قىلغان تەرەققىيات ئىدىيەسىدە يىلتىز تارتقان −
«مائارىپ، ئىشقا ئورۇنلاشتۇرۇشتىن داۋالاش، ئىجتىمائىي كاپالەتكىچە، بىز مەملىكەتلىك ئىككى يىغىن روھىنى ياخشى ئىزچىللاشتۇرۇپ، خەلق تۇرمۇشى بەخت ـ سائادىتىنى ئاشۇرۇش توغرىسىدىكى بىر قاتار كونكرېت ئورۇنلاشتۇرمىلارنى ئەمەلىيلەشتۈرۈشىمىز كېرەك.» خېيلۇڭجياڭ ئۆلكىسى جىشى شەھىرىنىڭ شەھەر باشلىقى، ۋەكىل سۈن چېڭكۇن مۇنداق دېدى: جىشى مەجبۇرىيەت مائارىپى ئەلا سۈپەتلىك بايلىقى بويىچە ئورتاق بەرپا قىلىش، ئورتاق بەھرىلىنىش قۇرۇلۇشىنى باشلاش، ئىشقا ئورۇنلاشتۇرۇشنى دەل جايىدا قوللاش پىلانىنى يولغا قويۇش، داۋالاش، داۋالىنىش سۇغۇرتىسى، تېببىي دورا ھەمتۈرتكە بولۇش ئىسلاھاتىنى چوڭقۇر ئالغا سىلجىتىش قاتارلىقلارنى مۇھىم نۇقتا قىلىپ، ئۈزلۈكسىز تۈردە ئاممىۋى مۇلازىمەتنىڭ دەرىجىسىنى ئۆستۈرىدۇ، خەلق تۇرمۇشىغا دائىر ئەمەلىي ئىشلارنى ياخشى قىلىدۇ، خەلق تۇرمۇشى تۆۋەن چېكىنى تولۇق مۇستەھكەملەيدۇ.
بۇ ئىپتىخارلىق ھېسسىياتى جاسارەت بىلەن ئالغا ئىلگىرىلەش، قىيىنچىلىقنى يېڭىپ ئالغا ئىلگىرىلەش روھىغا مۇجەسسەملەنگەن −
«مەن شۇنى چوڭقۇر ھېس قىلدىمكى، بىز مىللەتنى گۈللەندۈرۈشتىن ئىبارەت ئۇلۇغ مۇساپىدە مېڭىۋاتىمىز.» خۇنەن ۋەكىللەر ئۆمىكىدىكى ئەڭ ياش ۋەكىل بولۇش سۈپىتى بىلەن، «95 ـ يىللاردا تۇغۇلغان» مېيىپلەر ئولىمپىك تەنھەرىكەت مۇسابىقىسىنىڭ چېمپىيونى ۋېن شياۋيەن قەتئىيلىك بىلەن مۇنداق دېدى: «مەن يېنىك ئاتلېتىكا مۇسابىقە مەيدانىدا داۋاملىق يىلتىز تارتىپ، ئۆزۈمدە ئۈزلۈكسىز بۆسۈش ھاسىل قىلىپ، ۋەتىنىمىزنىڭ جۇش ئۇرۇپ راۋاجلىنىشى ئۈچۈن ياشلىق كۈچۈمنى قوشىمەن».
باھار مەنزىرىسى چەكسىز گۈزەل، بارلىق مەۋجۇدات ھاياتىي كۈچكە تولماقتا.
جاسارەت بىلەن ئىلگىرىلەۋاتقان جۇڭگو يەلكەن چىقىرىپ يەنە ئاتلاندى!
(شىنخۇا ئاگېنتلىقى، بېيجىڭ، 3 ـ ئاينىڭ 11 ـ كۈنى تېلېگراممىسى)
