بۈگۈن (3-ئاينىڭ 12-كۈنى) كۆچەت تىكىش بايرىمى، مۇخبىرنىڭ دۆلەت ئورمانچىلىق ۋە ئوتلاق ئىدارىسىدىن ئىگىلىشىچە، 2024-يىلى، دۆلىتىمىز تاماملىغان دۆلەت زېمىنىنى كۆكەرتىش ۋەزىپىسى 100 مىليون مودىن ئاشقان.
2024-يىلى تاماملانغان 100 مىليون مودىن ئارتۇق دۆلەت زېمىنىنى كۆكەرتىش ۋەزىپىسى 66 مىليون 690 مىڭ مو يەردە ئورمان بىنا قىلىش، 48 مىليون 360 مىڭ مو يەرگە ئوت-چۆپ تېرىپ ياخشىلاش ۋەزىپىسىنى ئۆز ئىچىگە ئالىدۇ. ئورماننى ئىمكانىيەتلىك سىجىل باشقۇرۇشنى يولغا قويۇش كۆلىمى 10 مىليون مودىن كۆپرەككە كېڭەيتىلىپ، ئورمان سۈپىتى مۇقىم ئۆستى. نۆۋەتتە، دۆلىتىمىزنىڭ ئورمان بىلەن قاپلىنىش نىسبىتى %25تىن ئاشتى، ئورمان زاپىسى 20 مىليارد كۇب مېتىردىن ئاشتى، يايلاقنىڭ ئۇنىۋېرسال يېپىنچا ئۆسۈملۈك بىلەن قاپلىنىش دەرىجىسى %50تىن يۇقىرى بولۇپ، سۈنئىي ئورمان كۆلىمى دۇنيا بويىچە بىرىنچى ئورۇندا تۇرىدۇ.
دۆلەت ئورمانچىلىق ۋە ئوتلاق ئىدارىسى ئېكولوگىيەنى قوغداش-ئەسلىگە كەلتۈرۈش مەھكىمىسىنىڭ مەھكىمە باشلىقى جاڭ لىمىڭ: پارتىيە 18-قۇرۇلتىيىدىن بۇيان، دۆلەت ئورمانچىلىق ۋە ئوتلاق ئىدارىسى دۆلەت زېمىنىنى كەڭ كۆلەمدە كۆكەرتىش ھەرىكىتىنى سىجىل قانات يايدۇرۇپ، مەملىكەت بويىچە جەمئىي 1 مىليارد 160 مىليون مو ئورمان بىنا قىلدى، دۆلىتىمىز يەرشارى بويىچە يېشىللىقنى ئەڭ تېز، ئەڭ كۆپ كۆپەيتكەن دۆلەتكە ئايلاندى.
«ئانار بۇلۇت»تىن ئېلىپ تەرجىمە قىلىندى
