1-ئاينىڭ 6-كۈنى
ئۈرۈمچى ئايروپورتىنى ئۆزگەرتىپ قۇرۇش-كېڭەيتىپ قۇرۇش قۇرۇلۇشى بويىچە
2-، 3-ئۇچۇش يولىدا ئۇچۇش تەرتىپىنى نەق مەيداندا دەلىللەش
ئۇچۇشنى سىناق قىلىش خىزمىتى ئوڭۇشلۇق يولغا قويۇلدى
بۇ قېتىمقى ئۇچۇش تەرتىپىنى نەق مەيداندا دەلىللەشنى
جەنۇب ئاۋىياتسىيەسىنىڭ بوئىن 787 تىپلىق ئايروپىلانى ئىجرا قىلدى
شۇ كۈنى سائەت 10دىن 10 مىنۇت ئۆتكەندە
جەنۇب ئاۋىياتسىيەسىنىڭ سىناق تەرىقىدە ئۇچۇش ئايروپىلانىنىڭ
ئۈرۈمچى ئايروپورتىنىڭ 1-ئۇچۇش يولىدىن ئۇچۇشى بىلەن
دەلىللەپ سىناق تەرىقىدە ئۇچۇش خىزمىتى رەسمىي باشلاندى
بۇ قېتىمقى سىناق تەرىقىدە ئۇچۇش ۋاقتى
كۈندۈزدە ئىككى سائەت، كېچىدە تۆت سائەت بولۇپ
ئۈرۈمچى ئايروپورتىنى ئۆزگەرتىپ قۇرۇش-كېڭەيتىپ قۇرۇش قۇرۇلۇشى بويىچە
2-، 3-ئۇچۇش يولىنىڭ ئۇچۇش تەرتىپى ۋە يۈرۈشۈش ئەڭ تۆۋەن ئۆلچىمى ئۈنۈملۈك دەلىللەندى
شۇنىڭ بىلەن بىللە
يەنە ئۈرۈمچى ئايروپورتىنىڭ
يەر يۈزى كاپالەت ئەسلىھە-ئۈسكۈنىلىرىنىڭ يۈرۈشۈش ئەھۋالى
شۇنداقلا ئۇچۇش يولى، سىيرىلىش يولى ۋە ئايروپىلان توختىتىش مەيدانى، ئەتراپتىكى ھاۋا بوشلۇقى ئەھۋالى قاتارلىقلار نۇقتىلىق تەكشۈرۈلدى
سىناق تەرىقىدە ئۇچۇش خىزمىتىنىڭ باشلىنىشى
ئۈرۈمچى ئايروپورتىنى ئۆزگەرتىپ قۇرۇش- كېڭەيتىپ قۇرۇش قۇرۇلۇشىنىڭ
مۇكەممەل يۈرۈشۈشكە كاپالەتلىك قىلىش ئىقتىدارىنى ھازىرلىغانلىقىدىن دېرەك بېرىدۇ
بۇ، كېيىنكى كەسىپلەرنى تەكشۈرۈپ ئۆتكۈزۈۋېلىش ۋە مەيدان يۆتكەپ ئىشقا كىرىشتۈرۈشكە شارائىت يارىتىپ بەردى
«تىيانشان تورى» ۋىيشىن ئاممىۋى سۇپىسىدىن ئېلىپ تەرجىمە قىلىندى
