كۈز پەسلى چارۋىلاردا پارازىت قۇرت راسا كۆپىيىدىغان مەزگىل، شۇنداقلا قويلارنى دورا بىلەن يۇيۇپ دېزىنفېكسىيەلەيدىغان ئاچقۇچلۇق مەزگىل. يېقىنقى كۈنلەردىن بۇيان، قوي پادىلىرىنىڭ قىشتىن بىخەتەر ئۆتۈشىگە ھەقىقىي كاپالەتلىك قىلىش ئۈچۈن، تېكەس ناھىيەسىدىكى ھەرقايسى يېزا-بازارلار يۇقۇم مۇداپىئە خادىملىرىنى تەشكىللەپ، پۈتۈن ناھىيەدىكى 700 مىڭدىن ئارتۇق قوينى دورىدا يۇيدى. يېقىندا، تېكەس ناھىيەسىنىڭ چىلئۆزەك بازىرى باقالىق كەنتىدىكى دورىدا يۇيۇش نۇقتىسىدا، خىزمەتچى خادىملار قولىدىكى سايمان بىلەن دورىلىق يۇيۇش كۆلچىكىدىكى قويلارنىڭ كۆلچەكتىكى ئىلگىرىلەش سۈرئىتىنى تىزگىنلەپ، دورا سۇيۇقلۇقىنىڭ قويلارنىڭ پۈتۈن بەدىنىگە سىڭىپ كىرىشىگە كاپالەتلىك قىلدى. (ئىختىيارىي مۇخبىر قازىزا)
چارۋىچىلار قويلارنى دورىدا يۇيۇش ئۈچۈن دورىدا يۇيۇش نۇقتىسىغا ھەيدەپ كەلمەكتە.
چارۋىچىلار قوي پادىلىرىنى قوتانغا ئېلىپ كىرىپ دورىدا يۇيۇشقا تەييارلانماقتا.
«ئانار بۇلۇت»تىن ئېلىپ تەرجىمە قىلىندى
