بالىلاردىكى دىيابېت كېسىلىنىڭ ئالدىنى ئېلىپ، «كىچىك شېكەر ئادەم» بولۇپ قېلىشتىن ساقلىنىڭ

   11-ئاينىڭ 14-كۈنى بىرلەشكەن دۆلەتلەر تەشكىلاتى دىيابېت كېسىلى كۈنى. قۇرامىغا يەتكەنلەرنىڭ دىيابېت كېسىلىگە گىرىپتار بولۇشى كۆپچىلىككە ناتونۇش ئەمەس، لېكىن بالىلاردىكى دىيابېت كېسىلى تىلغا ئېلىنسا، دائىم كىشىلەر ھەيران بولۇپ، بالىلارمۇ دىيابېت كېسىلىگە گىرىپتار بولامدۇ؟ دېيىشىدۇ. شۇنداق، بالىلارلا ئەمەس، يېڭى تۇغۇلغان بوۋاقلاردىمۇ دىيابېت كېسىلى كۆرۈلىدۇ. بالىلىق مەزگىلىدىكى دىيابېت كېسىلى ھەرقايسى ياش باسقۇچىدا كۆرۈلىدۇ، جىنسىي پەرق بولمايدۇ، كېسەللىك سەۋەبى كۆپىنچە بالىلار بەدىنىنىڭ ئىممۇنىتېت كۈچى، ۋىرۇس بىلەن يۇقۇملىنىش، ئىرسىيەت خاراكتېرلىك ئامىل، ئاسان يۇقۇملىنىشچانلىق قاتارلىقلار بىلەن مۇناسىۋەتلىك بولىدۇ.