ئاقسۇ ۋىلايىتى شايار ناھىيە بازىرىنىڭ جەنۇبىدىن 40 كىلومېتىر يىراقلىققا جايلاشقان دۇنيا توغراق ئورمان باغچىسى دۇنيا بويىچە كۆلىمى ئەڭ چوڭ، ئەڭ مۇكەممەل ساقلانغان تەبىئىي ئېكولوگىيەلىك توغراقلىق. بۇ تەبىئىي گۈزەل مەنزىرىنى كۆرگەندىلا، ئاندىن ھاياتلىقنىڭ قەيسەرلىكى ۋە تەبىئىي گۈزەللىكىنى ھەقىقىي ھېس قىلغىلى بولىدۇ. باش كۈزدىكى توغراقلىق يەنىلا ياپيېشىل بولۇپ، تارىم دەرياسىنى بويلاپ توغراق تاماشاسى قىلغاندا زۇمرەتتەك دولقۇنلاپ تۇرغان تارىم دەرياسىنى، قەد كۆتۈرۈپ تۇرغان مىڭ يىللىق توغراقلىقنى كۆرگىلى بولىدۇ...دەريانى بويلىغان بۇ مەنزىرە تولىمۇ گۈزەل كۆرۈنىدۇ.