شىنخۇا تورى خەۋىرى يامغۇردىن كېيىن، خۇبېي ئۆلكىسىنىڭ ئېنشى تۇجيازۇ-مياۋزۇ ئاپتونوم ئوبلاستى جيەنشى ناھىيەسى لۇڭپىڭ يېزىسى ديەنزىپىڭ كەنتىنىڭ تاغ مەنزىرىسى گۈزەل بولۇپ، قاشتېشى لېنتىدەك تاشيول تاغنى ئايلىنىپ كەنتكە تۇتىشىپ، گۈزەل يېزا-كەنتنىڭ يېڭى يۆگىمە رەسىمىنى ھاسىل قىلدى.
ديەنزىپىڭ كەنتى جيەنشى ناھىيەسى لۇڭپىڭ يېزىسىنىڭ غەربىي جەنۇب گىرۋىكىگە جايلاشقان، بۇ يەرنى تاغ چوققىلىرى ئوراپ تۇرىدۇ، تاغلىرى تىك، دېڭىز يۈزىدىن ئوتتۇرىچە ئېگىزلىكى 1200 مېتىردىن ئاشىدۇ، ئىلگىرى قىيالىقتىكى چاي، تۇز قەدىمىي يولىغا تايىنىپ سىرت بىلەن ئالاقە قىلاتتى. 2005 ـ يىلىدىن بۇيان، «يۈگۇڭ پارتىيە ياچېيكىسى شۇجىسى» ۋاڭ گۇاڭگو كەنت ئاھالىلىرىنى يېتەكلەپ، ئۇل ئەسلىھەلەرنى ياخشىلاپ، ئون نەچچە يىل سەرپ قىلىپ، تاغ ئىچكىرىسىدىكى قىيالىقتىن تاغدىن چىقىدىغان يولنى ئاچتى.
بۈگۈنكى كۈندە، يوللار راۋانلىشىپ، خەلق بېيىدى، ئىلگىرى ئېگىز ھەم سوغۇق، چەت ـ ياقا، قاتناش راۋان بولماسلىق سەۋەبىدىن ئېغىر نامرات بولغان بۇ تاغلىق كەنتنىڭ قىياپىتى ئۆزگەردى. (ۋۇ ۋېنخۇا، خوۋ كاڭ)
قاشتېشى لېنتىدەك تاشيول تاغنى ئايلىنىپ كەنتكە تۇتىشىپ، گۈزەل يېزا-كەنتنىڭ يېڭى يۆگىمە رەسىمىنى ھاسىل قىلدى.
شىنخۇا تورى خوۋ كاڭ فوتوسى
ديەنزىپىڭ كەنتىنىڭ كەنت ئاھالىلىرى تاغنىڭ ئىچكىرىسىدىكى قىيالىقتىن تاغدىن چىقىدىغان يول ئاچماقتا. (ماتېرىيال سۈرەت)