ھىندونېزىيەدە كەلكۈن ۋە لاتقا-شېغىللىق ئېقىن ئاپىتى يۈزبەرگەنلىكى مۇناسىۋىتى بىلەن
شى جىنپىڭ ھىندونېزىيە زۇڭتۇڭى جوكوغا ھال سوراش تېلېگراممىسى ئەۋەتتى
شىنخۇا ئاگېنتلىقى، بېيجىڭ، 4 - ئاينىڭ 6 - كۈنى تېلېگراممىسى دۆلەت رەئىسى شى جىنپىڭ 4 - ئاينىڭ 6 - كۈنى ھىندونېزىيەدە كەلكۈن ۋە لاتقا - شېغىللىق ئېقىن ئاپىتى يۈزبەرگەنلىكى مۇناسىۋىتى بىلەن ھىندونېزىيە زۇڭتۇڭى جوكوغا ھال سوراش تېلېگراممىسى ئەۋەتتى.
شى جىنپىڭ ھال سوراش تېلېگراممىسىدا مۇنۇلارنى بىلدۈردى: ھىندونېزىيەدە كەلكۈن ۋە لاتقا - شېغىللىق ئېقىن ئاپىتى يۈزبېرىپ، ئېغىر، زور تالاپەت كۆرۈلگەنلىكىدىن خەۋەر تېپىپ چۆچۈدۈم. مەن جۇڭگو ھۆكۈمىتى ۋە جۇڭگو خەلقىگە ۋاكالىتەن ھەم ئۆز نامىمدىن قازا قىلغانلارغا چوڭقۇر تەزىيە بىلدۈرىمەن، قازا قىلغانلارنىڭ ئائىلە تەۋەلىرى ۋە يارىلانغانلاردىن سەمىمىي ھال سورايمەن.