تىيانشان تورى خەۋىرى (مۇخبىر ئەنۋەر ئىمىن خەۋىرى، فوتوسى): 2-ئاينىڭ 17-كۈنى، شىنجاڭ ئاقسۇ ۋىلايىتى توقسۇ ناھىيەسىدىكى شىنجاڭ دۇخۇ كەپتەرچىلىك پەن-تېخنىكا چەكلىك شىركىتى باقمىچىلىق بازىسىنىڭ خىزمەتچىلىرى كەپتەرلەرنىڭ سالامەتلىك ئەھۋالىنى تەكشۈرمەكتە. بۇ شىركەت 50 كەپتەرخانا قۇرۇپ، 240 مىڭ كەپتەر بېقىپ، 200 ئىش ئورنى بىلەن تەمىنلىدى.
يېقىنقى يىللاردىن بۇيان، توقسۇ ناھىيەسى باقمىچىلىقنى زور كۈچ بىلەن راۋاجلاندۇرۇپ، دېھقانلارنى كەپتەر بېقىپ كىرىمىنى ئاشۇرۇشىغا ئىلھاملاندۇردى. «بىر ئائىلە كۆپ ئائىلىنى يېتەكلەش، بىر كەنت كۆپ كەنتنى يېتەكلەش، كۆپ كەنتنى بازا قىلىش» مېخانىزمى ئاساسىي جەھەتتىن شەكىللەندى.
