كۈز، قىش پەسىللىرىدە ھاۋا تۇتۇق بولۇپ، تېمپېراتۇرا ئۆزگىرىشى چوڭ بولىدۇ، بالىلارنىڭ بەدەن تېمپېراتۇرىسىنى تەڭشەش ئىقتىدارى ياخشى بولماي، تاشقى ئامىللارنىڭ تەسىرىگە ئۇچراپ، ئاسانلا سوغۇق ئۆتۈپ زۇكام بولۇپ قالىدۇ، بولۇپمۇ بەزى بالىلار تۇيۇقسىز قىزىپ قالىدۇ، يەنى قىزىش تېمپېراتۇرىسى ئانچە يۇقىرى بولمايدۇ، لېكىن بۇ خىل تۆۋەن قىزىتما نەچچە كۈنگىچە يانمايدۇ، بالىلاردا يەنە گېلى ئاغرىش، كىچىك تەرىتى قىستاش ياكى سېرىق قىزىل كېلىش، سوغۇق تەرلەش قاتارلىق ئالامەتلەر كۆرۈلىدۇ.
بالا بۇ خىل ئەھۋالدا، ئەگەر ئاتا ـ ئانىلار ئىسسىقى ئېشىپ كېتىپتۇ دەپ خاتا ھۆكۈم قىلىپ، ئىسسىقنى ياندۇرۇپ، زەھەرنى قايتۇرسا، ئەكسىچە بالىنى تېخىمۇ ئاجىزلاشتۇرۇۋېتىدۇ. بۇنداق ئەھۋالدا قىزىپ كەتسە، بالىغا قارىئۆرۈك ناۋات سۈيى ئىچكۈزسە بولىدۇ.
قارا ئۆرۈك ناۋات سۈيى: ماتېرىيال: قارا ئۆرۈك 2 ~ 1 تال، ناۋات مۇۋاپىق مىقداردا. تەييارلاش ئۇسۇلى: قارا ئۆرۈكنى قازانغا سېلىپ، تۆت چىنە سۇ قۇيۇپ، كۈچلۈك ئوتتا 15 مىنۇت قايناتقاندىن كېيىن، ناۋاتنى سېلىپ تەمىنى تەڭشەپ تەييارلىنىدۇ، بۇنى قېتىمغا بۆلۈپ ئىچسە بولىدۇ. شىپالىق رولى: قۇۋۋەتنى ئاشۇرىدۇ، تالنى ساغلاملاشتۇرىدۇ. ئىككى ياشتىن يۇقىرى بالىلارغا ماس كېلىدۇ، ئاز مىقداردا كۆپ قېتىمغا بۆلۈپ ئىستېمال قىلسا بولىدۇ.
خەلق تورىدىن تەرجىمە قىلىندى
