تىيانشان تورى خەۋىرى (مۇخبىر يۈ مېڭفەن خەۋەر قىلىدۇ) گەرچە «داخەن» دېيىلسىمۇ، ئۈرۈمچى شەھىرىنىڭ تېمپېراتۇرىسى ئۇنچە سوغۇق بولمىدى، ئەڭ يۇقىرى تېمپېراتۇرا ھەتتا نۆلدىن يۇقىرى بولدى. ئۈرۈمچى شەھىرىدە بۈگۈن (1-ئاينىڭ 20-كۈنى) ئەڭ يۇقىرى تېمپېراتۇرا ℃2، ئەڭ تۆۋەن تېمپېراتۇرا ℃9- بولۇپ، ئۈچ بال شامال چىقىدۇ.
ئىلى قازاق ئاپتونوم ئوبلاستى، تارباغاتاي ۋىلايىتىنىڭ شىمالىي قىسمى، ئالتاي ۋىلايىتىنىڭ غەربىي قىسمى قاتارلىق جايلاردا ئازراق قار ياغىدۇ، بۇنىڭ ئىچىدە ئىلى ئوبلاستىنىڭ تاغلىق رايونى، تارباغاتاي ۋىلايىتىنىڭ شىمالىي قىسمىنىڭ قىسمەن رايونلىرىدا ئوتتۇراھال، قاتتىق قار ياغىدۇ. شىنجاڭنىڭ باشقا جايلىرىدا ھاۋا ئوچۇق بولۇپ بەزىدە بۇلۇتلىنىدۇ، شامال كۈچى كۈچلۈك بولمايدۇ.
ئالتە بال ئەتراپىدا غەربىي شىمال شامىلىنىڭ تەسىرىگە ئۇچرايدىغان يول بۆلەكلىرىدىن: G3014 لىنىيەسىنىڭ قارامايدىن ئورقۇغىچە بولغان بۆلىكى، G217 لىنىيەسىنىڭ قارامايدىن ئورقۇغىچە بولغان بۆلىكى.