12-ئاينىڭ 17-كۈنى، خىزمەت ئەترىتىنىڭ ئەزالىرى دېھقانلارنىڭ ليەنخۇابەي يىغىشىغا ياردەملەشتى.
تىيانشان تورى خەۋىرى (ئىختىيارىي مۇخبىر رىزۋانگۈل خەۋىرى، فوتوسى): 12-ئاينىڭ 17-كۈنى ئەتىگەندە، شىنجاڭ بايىنغولىن ئوبلاستلىق تۇرالغۇ ۋە شەھەر-يېزا قۇرۇلۇشى ئىدارىسى (خەلق ھاۋا مۇداپىئە ئىشخانىسى)نىڭ چەرچەن ناھىيە ئارال يېزىسى ئارال كەنتىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتىنىڭ ئەترەت ئەزالىرى دېھقان جاڭ گۇيمىڭنىڭ كۆكتات پارنىكىدا ليەنخۇابەي، پالەك قاتارلىق پەسىلسىز كۆكتاتلارنى يىغىشىغا ياردەملەشتى.`
بۇ يىلدىن بۇيان، خىزمەت ئەترىتىنىڭ ئەترەت ئەزالىرى ئەتىيازلىق تېرىلغۇ، يازلىق پەرۋىش، كۈزلۈك يىغىم، قىشلىق زاپاس ساقلاشنىڭ ھەرقايسى ئاچقۇچلۇق تۈگۈنلىرىدە، جەمئىي 60 قېتىمدىن ئارتۇق پىدائىيلار مۇلازىمىتىنى قانات يايدۇرۇپ، كەنت ئاھالىلىرىنىڭ ئىشلەپچىقىرىش، تۇرمۇشىدا يولۇققان قىيىنچىلىقلىرىنى ھەل قىلىشىغا ياردەم بەرگەن.
