چىراغنى ياندۇرسىلا تورغا چىققىلى بولىدۇ. Li-Fi تېخنىكىسىنى بىلەن تونۇشۇپ چىقىڭ

Li-Fi دېگەن نېمە؟

Li-Fi (Light Fidelity) يەنى كۆرۈنىدىغان نۇر سىمسىز ئالاقىسى بولۇپ، ئۇ يورۇقلۇقنىڭ ئەينەنلىكىنى ساقلاش تېخنىكىسى دەپمۇ ئاتىلىدۇ، ئۇ لامپۇچكا چىقارغان يورۇقلۇقتىن پايدىلىنىپ سانلىق مەلۇمات يەتكۈزىدىغان تېخنىكا. ئۇ مىكرو ئۆزەكنى LED لامپىغا كىرگۈزۈپ WiFi قىزىق نۇقتىسىغا ئوخشاپ كېتىدىغان ئۈسكۈنە ھاسىل قىلىپ، تېرمىنال ئۈسكۈنىلەرنىڭ خالىغان ۋاقىتتا تورغا ئۇلىنىشىغا قولايلىق يارىتىدۇ.

چىراغ نۇرىغا تايىنىپ تورغا چىقىش ئاڭلىماققا بەك سىرلىق تۇيۇلىدۇ، ئەمما Li-Fi تېخنىكىسىنىڭ ئاساسىي پىرىنسىپى ئەمەلىيەتتە ئانچە مۇرەككەپ ئەمەس. «0» بىلەن «1» رەقەملىك يوللاشتىكى ئاساسىي سىگنال، ئەگەر چىراغ نۇرىنىڭ ئېتىلىش ھالىتى «0» قىلىپ بېكىتىلسە، ئېچىلىش ھالىتى «1» قىلىپ بېكىتىلسە، چىراغ نۇرىنىڭ ئېتىلىشى ۋە ئېچىلىشى ئارقىلىق رەقەملىك سىگنالنىڭ يەتكۈزۈلۈشىنى ئىشقا ئاشۇرغىلى بولىدۇ. شۇڭلاشقا، چىراغ ئۈسكۈنىلىرى چوقۇم يۇقىرى چاستوتىلىق ۋىكليۇچاتېلغا بەرداشلىق بېرىشى كېرەك. ئەنئەنىۋى لامپىنىڭ ۋېكليۇچاتىلىنىڭ تەكرار ئېچىلىپ يېپىلىش ئۆمرىگە تەسىر كۆرسىتىدۇ، LED لامپىسى (يورۇقلۇق چىقىرىدىغان ئىككى قۇتۇپلۇق لامپا) يۇقىرى چاستوتىلىق ۋېكليۇچاتېلنىڭ تەكرار ئېچىلىپ يېپىلىشىغا بەرداشلىق بېرەلەيدۇ، شۇڭا LED لامپىسى Li-Fi (چىراغ نۇرىنى ۋاسىتە قىلغان يۇقىرى سۈرئەتلىك سىمسىز تور)نى ئەمەلگە ئاشۇرۇشنى تېخنىكا ئاساسى بىلەن تەمىنلەيدۇ.

بۇنىڭدىن باشقا، Wi-Fi بىلەن سېلىشتۇرغاندا، Li-Fi تېخىمۇ چوڭ كەڭ بەلباغ ۋە تېخىمۇ يۇقىرى سۈرئەتنى ئەمەلگە ئاشۇرالايدۇ ھەمدە ئۇنىڭ تور ئورۇنلاشتۇرۇشى ھېچقانداق يېڭى ئۇل ئەسلىھەگە ئېھتىياجلىق ئەمەس. Li-Fi نىڭ ئەۋزەللىكى يەنىلا ئۇنىڭ رادىيو دولقۇنىنىڭ كاشىلسىغا ئۇچرىماسلىقىدا، بايلىقى كۆپ ھەمدە ئېنېرگىيە تېجەپ مۇھىت ئاسراشتا.

ئومۇمەن ئېيتقاندا، Li-Fi چىراغ نۇرى بار جايدا سىمسىز تور بولۇشنى ئەمەلگە ئاشۇردى، Wi-Fi بىلەن قوش يۆنىلىشلىك ماسلىشىش ئاستىدا، سىمسىز سانلىق مەلۇمات يەتكۈزۈش ئۇسۇلى تېخىمۇ مۇكەممەل، بىخەتەر، يۇقىرى ئۈنۈملۈك بولۇپ، يېڭى ئەقلىي ئىقتىدارلىق تۇرمۇشقا يېتەكچىلىك قىلالايدۇ.

(بۇ ماقالىنى بېيجىڭ شەھەرلىك 65-ئوتتۇرا مەكتەپنىڭ 1-دەرىجىلىك ئوقۇتقۇچىسى لى يەن ئىلمىيلىكىنى نازارەت قىلغان)