شىنجاڭ گېزىتى خەۋىرى (تېكەس ناھىيەلىك يۇغۇرما تاراتقۇ مەركىزى ساغىم، دەي كەيلى خەۋىرى): بۇ ئىلى ئېتى يەرلىك ئات، بازار باھاسى 10 مىڭ يۈەن ئەتراپىدا؛ بۇ نەسلى ياخشىلانغان ئات، ئېگىزلىكى 1.65 مېتىر كېلىدۇ، باھاسى 35 مىڭ يۈەن ئەتراپىدا.» 10-ئاينىڭ 22-كۈنى، ئىلى دېرۈي جۈنفا بىيو پەن-تېخنىكا چەكلىك شىركىتىنىڭ تېخنىكى ئېرجان خۇئات يەرلىك ئات بىلەن نەسلى ياخشىلانغان ئاتنىڭ بازار باھاسىنى تونۇشتۇرۇپ شۇنداق دېدى.
تېكەس ناھىيەسى ئاتچىلىق كەسپىنى دېھقان-چارۋىچىلارنىڭ كىرىمىنى ئاشۇرۇش يوللىرىنىڭ بىرى قىلىپ، ئات نەسلىنى ياخشىلاشنى تېزلىتىپ، ساندىن سۈپەتكە قاراپ ئۆزگىرىشنى تەدرىجىي ئىشقا ئاشۇردى.
يېقىنقى يىللاردىن بۇيان، تېكەس ناھىيەسى تۆرەلمىنى يۆتكەش، كۆپەيتىپ يېتىلدۈرۈش، «ۋاكالىتەن ھامىلدار بولۇش» قاتارلىق ئات نەسلىنى ياخشىلاش تەدبىرلىرىنى يولغا قويۇپ، يەرلىك ئات نەسلىنى ياخشىلاشنى ئومۇميۈزلۈك تېزلەتتى، 2010-يىلىدىن بۇيان ئات نەسلىنى ياخشىلاش خىزمىتى قانات يايدۇرۇلغاندىن بۇيان، ناھىيە بويىچە توققۇز نەسىللەندۈرۈش پونكىتى قۇرۇلۇپ، نەسىللىك ئات 16 مىڭ تۇياقتىن ئاشتى. يېڭى ئەلا ئات نەسىلى دېھقان-چارۋىچىلارنىڭ كىرىمىنى ئاشۇرۇشقا ئاساس سالدى.
