شىنخۇا تورى خەۋىرى: 10-ئاينىڭ 20-كۈنى، نىڭشيا گۇيۈەن شەھىرى يۇەنجوۋ رايونى جۇڭخې يېزىسى فېڭباۋ كەنتىدە ياڭيۇ يىغىشنىڭ پۈتۈن جەريانلىق ماشىنىلىشىشىنى نەق مەيداندا كۆرسىتىش، كۆرەك قىلىش يىغىنى ئۆتكۈزۈلۈپ، شۇ جايدىكى دېھقانلارغا يېڭى تىپتىكى ياڭيۇ يىغىش ماشىنىسى كېڭەيتىلدى. تونۇشتۇرۇلۇشىچە، ئەنئەنىۋى يىغىش ئۇسۇلىدا بىر ئادەم كۈنىگە بىر توننا ئەتراپىدا ياڭيۇ يىغالايدىكەن، ئەمما ھەر بىر يېڭى تىپتىكى ياڭيۇ يىغىش ماشىنىسى كۈنىگە 80 توننا ياڭيۇ يىغالايدىكەن. ئىگىلىنىشىچە، ياڭيۇ كەسپى يۇەنجوۋ رايونىدىكى ئەۋزەل خاس كەسپ ۋە نامراتلىقتىن قۇتۇلدۇرۇش ئۆتكىلىگە ھۇجۇم قىلىشتىكى يېتەكچى كەسىپ بولۇپ، تېرىقچىلىق كۆلىمى تەخمىنەن 135 مىڭ موغا يەتكەن. يېقىنقى يىللاردىن بۇيان، يۇەنجوۋ رايونى يېزا ئىگىلىكىنى ماشىنىلاشتۇرۇش ۋە يېزا ئىگىلىك ماشىنا-جابدۇقلىرىنىڭ تىپنى ئۆزگەرتىپ دەرىجىسىنى ئۆستۈرۈشنى تېز ئالغا سىلجىتتى، 2019-يىلىنىڭ ئاخىرغىچە، پۈتۈن رايوندىكى ئاساسلىق زىرائەتلەرنىڭ ئۇنىۋېرسال ماشىنىلىشىش مەشغۇلات سەۋىيەسى %72كە يەتتى.(ۋاڭ پېڭ فوتوسى)
