تىيانشان تورى   ›   خەۋەر مەركىزى   ›   جايلاردا

«قوش بايرام» يېتىپ كېلىش پەيتىدە | شىنجاڭ ئىلى: نۇرغۇن جايدىكى ئوتلاق بۇلۇت دېڭىزى، رەڭگارەك كۈز مەنزىرىسى ساياھەتچىلەرنى جەلپ قىلدى

  مەركىزىي تېلېۋىزىيە ئىستانسىسى تورى خەۋىرى: كۈز ئوتتۇرىلىرىدا دەرەخلەرگە قىروۋ چۈشتى. بىر قانچە كۈندىن بۇيان، شىنجاڭ تىيانشان تېغىنىڭ غەربىگە جايلاشقان ئىلى دەرياسى ۋادىسىدا «بىر كۈندە ئىككى پەسىل»، «تاغنىڭ يېرىمىدا كۈز، يېرىمىدا قىش» بولۇشتەك ئۆزگىچە مەنزىرە بارلىققا كەلدى. ئۇنىڭ ئۈستىگە بۇ بىر نەچچە كۈندە كۆپ كۆرۈلگەن قاتمۇقات توپ بۇلۇتقا تەكشى ئېقىملىق بۇلۇت قوشۇلۇپ، گۈزەل ئوتلاقنىڭ تۆۋەن ھاۋا بوشلۇقىدا بۇلۇت دېڭىزى شەكىللەندى.

  ئىلى دەرياسى ۋادىسىنىڭ جەنۇبىدىكى قاراجون جىلغىسىدا، كۆپ قېتىم تۆۋەن ھاۋا بوشلۇقى بۇلۇت دېڭىزى پەيدا بولدى. بۇلۇت قاتلاملىرى قاتمۇقات تاغلار ئارىسىدا، ئوتلاقلار ئۈستىدە لەيلەپ يۈرەتتى، بەزىدە نېپىز شايىدەك، بەزىدە توپ-توپ پاختا تالاسىدەك شەكىلگە كىرىپ ناھايىتى ھەيۋەتلىك كۆرۈنەتتى. تاغ-دالىلار سۇس سېرىق، يورۇق، زۇمرەتتەك يېشىل كۆرۈنەتتى.

  تاڭبۇلا ئوتلىقىدا، 210 مىڭ مو يەردىكى ئىپتىدائىي ئىككىلەمچى ئورمان تەدرىجىي كۈز تۈسىگە كىردى، قارىغايلار ياپيېشىل، قېيىنلار ئالتۇنرەڭ، تاغ ئۆرۈكلىرى قىپقىزىل بولۇپ، كۆپكۆك ئاسمان بىلەن بىرىكىپ، رەڭدار «ماي بوياق رەسىم»نى ھاسىل قىلدى.

    كىشىنى تېخىمۇ جەلپ قىلىدىغىنى تىيانشان مۇزارت مۇزلۇقىنىڭ شىمالىي ئېتىكىگە جايلاشقان موڭغۇلكۈرە دولان جىلغىسى بولدى. دەرەخ تۈرلىرى ئوخشاش بولمىغاچقا، قىيادا رەڭگارەڭ كۈز مەنزىرىسى بارلىققا كەلدى؛ دېڭىز يۈزىدىن بىرقەدەر ئېگىز بولغان تاغ چوققىلىرىدا تۇنجى قار خېلى بالدۇرلا ياغقان بولۇپ، ئاپئاق قاردا ياپيېشىل، سارغۇچ رەڭلەر ئەكس ئىتىپ، «تاغنىڭ يېرىمىدا كۈز، يېرىمىدا قىش» بولۇشتەك ئاجايىپ مەنزىرىنى شەكىللەندۈردى، ئۇنىڭ ئۈستىگە تۇمان ئۆرلەپ، بۇلۇت دېڭىزى لەيلەپ يۈرگەچكە، نۇرغۇن فوتو سۈرەت ھەۋەسكارلىرىنى جەلپ قىلدى.

                                                           «ئانار بۇلۇت»تىن تەرجىمە قىلىندى.

  • يېقىشلىق كۈز مەنزىرىسى
  • شىنجاڭ كورلا: كىشىنى مەستخۇش قىلىدىغان كۈز مەنزىرىسى
  • ئالتۇن كۈزدىكى پاختا يىغىش ئالدىراشلىقى