شىنخۇا تورى خەۋىرى: 9-ئاينىڭ 26-كۈنى، 8-نۆۋەتلىك جۇڭگو تاۋباۋ كەنتى يۇقىرى دەرىجىلىكلەر مۇنبىرى خېبېينىڭ سۇنىڭدا ئۆتكۈزۈلدى، بۇ نۆۋەتلىك مۇنبەردە «شياۋكاڭ بىلەن شياۋمېي __ رەقەملىك يېزا-كەنت ئارقىلىق گۈزەل يېزا-كەنتلەرنى ئىلگىرى سۈرۈش» باش تېما قىلىنغان بولۇپ، دۆلەت ئىچى-سىرتىدىكى مۇتەخەسسىس، ئالىملار، پۈتۈن مەملىكەتتىكى تاۋباۋ كەنت-بازارلىرى ۋەكىللىرى ۋە ئېلېكترونلۇق سودا ساھەسىدىكى باشلامچىلار بۇ قېتىمقى يىغىلىشقا قاتناشتى. تونۇشتۇرۇلۇشىچە، خېبېي ئۆلكىسى سۇنىڭ ناھىيەسىدە جەمئىي 17 تاۋباۋ كەنتى، توققۇز تاۋباۋ بازىرى بولۇپ، مەملىكەت بويىچە تۇنجى تۈركۈمدە «پۈتۈن رايون تاۋباۋ بازىرى»نى ئەمەلگە ئاشۇرغان ناھىيە بولۇپ قالغان. سۇنىڭ ناھىيەسىدە 21 مىڭدىن كۆپرەك ئېلېكترونلۇق سودا تور دۇكىنى بار بولۇپ، يىللىق ئېلېكترونلۇق سودا ئارقىلىق سېتىش سوممىسى 10 مىليارد يۈەنگە يېقىنلاشقان.(جۇ شۈدۇڭ فوتوسى)
9-ئاينىڭ 26-كۈنى، 8-نۆۋەتلىك جۇڭگو تاۋباۋ كەنتى يۇقىرى دەرىجىلىكلەر مۇنبىرىدە، يىغىنغا قاتناشقۇچىلار ئېلېكترونلۇق سودا تەمىنات زەنجىرى ئېسىل مەھسۇلاتلار كۆرگەزمە رايونىنى ئېكسكۇرسىيە قىلدى.