تىيانشان تورى   ›   خەۋەر مەركىزى   ›   ئۈرۈمچى

شەرقىي 2-ئايلانما يولىدا قۇرۇلۇش قىلىنىۋاتقان مەزگىلدە، ئۈرۈمچى شەھىرى گولف يولىدا قاتناشقا چەك قويۇلىدۇ

  تىيانشان تورى خەۋىرى: شەرقىي 2-ئايلانما يولى قۇرۇلۇشىنىڭ ئېھتىياجىغا ئاساسەن، 2020-يىلى 9-ئاينىڭ 25-كۈنى سائەت نۆلدىن باشلاپ گولف يولى(شەرقىي 2-ئايلانما يولى كۆۋرۈكىنىڭ ئاستىدىكى يول بۆلىكى)دا قورشاپ قۇرۇلۇش قىلىنىدۇ، قۇرۇلۇشنىڭ ئوڭۇشلۇق ئېلىپ بېرىلىشى ۋە ئەتراپتىكى ئاھالىلەرنىڭ ئاساسىي يول يۈرۈشىگە كاپالەتلىك قىلىش ئۈچۈن، «جۇڭخۇا خەلق جۇمھۇرىيىتىنىڭ يول قاتناش بىخەتەرلىكى قانۇنى» ۋە «جۇڭخۇا خەلق جۇمھۇرىيىتىنىڭ يول قاتناش بىخەتەرلىكى قانۇنىنى يولغا قويۇش نىزامى»دىكى ئالاقىدار بەلگىلىمىلەرگە ئاساسەن، قۇرۇلۇش قىلىنىۋاتقان يول بۆلەكلىرى بىلەن ئەتراپتىكى يوللاردا قاتناشقا چەك قويۇش ۋە تارقاقلاشتۇرۇش قارار قىلىندى، كونكرېت تەدبىرلەر تۆۋەندىكىچە:

  بىرىنچى، قۇرۇلۇش دائىرىسىنى قورشاش ۋاقتى

  2020-يىلى 9-ئاينىڭ 25-كۈنىدىن 2020-يىلى 10-ئاينىڭ 30-كۈنىگىچە.

  ئىككىنچى، قۇرۇلۇش بۆلىكى ۋە قورشاش لايىھەسى

  گولف يولى(شەرقىي 2-ئايلانما يولى كۆۋرۈكىنىڭ ئاستىدىكى يول بۆلىكى)دا تولۇق يېپىق ھالەتتە قۇرۇلۇش قىلىنىپ، ئاپتوموبىل ۋە پىيادىلەرنىڭ يول يۈرۈشى مەنئىي قىلىنىدۇ.

  ئۈچىنچى، جەمئىيەتتىكى ئاپتوموبىللارنى ئاساسلىق تارقاقلاشتۇرۇش لىنىيەسى

  ئەسلىدىكى گولف يولىدىن ئۆتىدىغان ئاپتوموبىللار ئارىشاڭ شەرقىي يولى، شىمىگۇ يولى، داشۆ يولى قاتارلىق يوللارنى تاللاپ، ئايلىنىپ ماڭسا بولىدۇ.

  ئۈرۈمچى شەھەرلىك جامائەت خەۋپسىزلىكى ئىدارىسى قاتناش ساقچى تارماق ئەترىتى

  2020-يىلى 9-ئاينىڭ 21-كۈنى

مەسئۇل مۇھەررىر : ئىمىنجان

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • يېقىشلىق كۈز مەنزىرىسى
  • شىنجاڭ كورلا: كىشىنى مەستخۇش قىلىدىغان كۈز مەنزىرىسى
  • ئالتۇن كۈزدىكى پاختا يىغىش ئالدىراشلىقى