9-ئاينىڭ 17-كۈنى، تىيانشان شىمېن خەلققە قولايلىق بازىرىدا، شەھەر ئاھالىسى مېۋە-چېۋە تاللىماقتا.
شىنجاڭ تورى خەۋىرى (مۇخبىر جياڭ شياۋ خەۋىرى، فوتوسى): ئۈرۈمچى تىيانشان رايونىغا جايلاشقان تىيانشان شىمېن خەلققە قولايلىق بازىرىدا جەمئىي 150 يايما ئورنى بار بولۇپ، دائىملاشقان يۇقۇمنىڭ ئالدىنى ئېلىش-تىزگىنلەش تەدبىرلىرىنى قاتتىق ئەمەلىيلەشتۈرۈش شەرتى ئاستىدا، بازار ئارىلىق قويۇپ تىجارەت قىلىش ئۇسۇلىنى قوللىنىپ، 75 يايما ئورنىنى سىرتقا ھەقسىز ئېچىۋەتتى.
ھەر تۈرلۈك ئالدىنى ئېلىش-تىزگىنلەش تەدبىرلىرىنى باشتىن-ئاخىر ئېھتىياتچانلىق بىلەن ياخشى ئىشلەش شەرتى ئاستىدا، ئۈرۈمچىدىكى خەلققە قولايلىق ھەرقايسى بازارلار ئارقا-ئارقىدىن ئېچىلدى. خەلققە قولايلىق بازار مۇقىم باھا، كونا مال سودىسى بىلەن تەمىنلەپ، شەھەر ئاھالىلىرىنى ئۆزئارا مەنپەئەت يەتكۈزىدىغان سودا سۇپىسى بىلەن تەمىنلەپلا قالماي، ئاھالىلەرگە مۇلازىمەت قىلىش بىلەن بىللە يەنە، ئىستېمالنى كۈچلۈك ئىلگىرى سۈردى.