تىيانشان تورى   ›   تۇرمۇش   ›   تۇرمۇش لۇغىتى

كۈز پەسلىدە بەدەن قۇۋۋەتلەشكە ئەھمىيەت بېرىڭ

كۈز بەدەنگە قۇۋۋەت تولۇقلاشتىكى ئەڭ مۇۋاپىق پەسىل، گۆشلەرنى يەپ زېرىككەن بولسىڭىز، تۆۋەندىكى ئۈچ «گۆھەر كۆكتات»نى يەپ سىناپ بېقىڭ.

ۋوسۈن: يۇمران ئەتلىك، خۇشپۇراق، ھەممە كىشىلەرگە ياقىدىغان كۆكتات بولۇپ، مەيلى شورپا قاينىتىڭ، قورۇما قورۇڭ ياكى خوگو قىلىڭ، ئىنتايىن يېيىشلىك بولىدۇ. نۇرغۇن كىشىلەر ۋوسۈن يوپۇرمىقىنى يېمەي تاشلىۋېتىدۇ، ئەمەلىيەتتە يوپۇرمىقىدىكى كاروتېن بىلەن ۋىتامىن B1، C، B2 قاتارلىقلار ۋوسۈننىڭ ئۆزىگە قارىغاندا نەچچە ھەسسە يۇقىرى بولۇپ، يوپۇرمىقىنى كۆپرەك يەپ بەرگەندە يۆتەلنى توختىتىدۇ، شۇڭا كۈز پەسلىدە يۆتىلى بار كىشلەرنىڭ كۆپرەك يېيىشىگە ماس كېلىدۇ.

خۇاسەي: خۇاسەينىڭ تەركىبىدە ۋىتامىن A بىلەن ۋىتامىن C مول بولۇپ، ئېتى يۇمشاق، تەمى تاتلىق، ئاسان ھەزىم بولىدىغان بولغاچقا، ئوتتۇرا ياش ۋە ياشانغانلار، بالىلارنىڭ ھەمدە تال-ئاشقازىنى ئاجىز، ھەزىم قىلىشى ناچار كىشلەرنىڭ يېيىشىگە ماس كېلىدۇ. ئۇنىڭ زەھەرنى قايتۇرۇش، قان تومۇرلارنى تازىلاش، ئۆپكىنى سىلىقلاپ، قۇرغاقلىقنى تۆۋەنلىتىش، ئۆپكە ۋە جىگەرنى قۇۋۋەتلەش رولى بار، يەنە نەپەس يولى يۇقۇملۇق كېسەللىكلىرىنىڭ ئالدىنى ئالىدۇ.

كۈزلۈك ئاپتەپپەرەس: كۈزلۈك ئاپتاپپەرەسنىڭ «كۆكتاتلار شاھى» دەيدىغان گۈزەل نامى بار، ئۇ چۈرۈك، شىرنىلىك، يۇمشاق، كۆڭۈلگە تەگمەيدىغان بولۇپ، تەمىمۇ ئۆزگىچە. ئۇنىڭ تەركىبىدە مېۋە يېلىمى، پولىساخارىد قاتارلىق ئوزۇقلۇق ماددىلار كۆپ بولۇپ، ئاشقازاننى ئاسراش، جىگەرنى قۇۋۋەتلەش، ئورۇقلىتىش، كالتسىي تولۇقلاش رولى بار؛ يەنە قان قەنتىنى تۆۋەنلىتىپ، بۆرەكنى قۇۋۋەتلەپ، كۈزدىكى ھارغىنلىقنى پەسەيتىپ، پۈتۈن كۈن روھىي ھالىتىڭىزنى ياخشى قىلىدۇ. تەتقىقاتلارغا قارىغاندا، كۈزلۈك ئاپتەپپەرەسنىڭ تەركىبىدە فلاۋون، ۋىتامىن C ۋە كاروتىن مول بولۇپ، ئىچكى ئاجرالمىلارنى تەڭشەپ، قېرىشنى كېچىكتۈرىدىكەن، يەنە ھۆسىن گۈزەللەشتۈرۈش رولىمۇ بار ئىكەن.

خەلق تورىدىن تەرجىمە قىلىندى

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • شىنجاڭ خوتەن: قۇم دېڭىزى بىلەن شىددەتلىك جەڭ قىلىش، قۇملۇقتىكى ئۇزۇن سەپەر
  • خوشۇت ناھىيەسى: قىزىل لازا ئېلىپ كەلگەن قاينام-تاشقىنلىققا چۆمگەن ياخشى كۈن
  • ئىشىكى ئالدىدىلا ئىشقا ئورۇنلىشىش ئالدىراشلىقى