تىيانشان تورى خەۋىرى (مۇخبىرىمىز يۈ مېڭفەن، ئىخىتىيارىي مۇخبىر لو خۇڭمېي خەۋىرى، فوتوسى): 9-ئايدا، سانجى خۇيزۇ ئاپتونوم ئوبلاستى فۇكاڭ شەھىرى چېگراسى ئىچىدىكى تىيانشان بوغدا كۆلى مەنزىرە رايونىدا كۈز تاماشاسى قىلىدىغان ياخشى پەيت يېتىپ كەلدى؛ سۈپسۈزۈك ئاسمان، جىمجىت كۆل يۈزىدە ئەكس ئېتىپ، تىنچ كۆل يۈزىدىن ئۆتكەن كېمە دولقۇنسىمان ئەگرى سىزىقلارنى ھاسىل قىلدى. قويۇق كۈز ھىدى يوپۇرماقلارنى قىزارتتى، يىراقلارغا نەزەر سالسىڭىز، قويۇق ئورمانلار، قاتمۇقات تاغلار، سۇس ۋە قېنىق رەڭدىكى يېشىللىقنىڭ ئەكسى كۆل يۈزىدە جىلۋە قىلىپ تۇراتتى. ئىگىلىنىشىچە، تىيانشان بوغدا كۆلى مەنزىرە رايونى ئۆلكە ئاتلاپ ساياھەت قىلىشنى ئەسلىگە كەلتۈرگەندىن كېيىن، 9-ئاينىڭ 5-كۈنى شىنجاڭنىڭ سىرتىدىن كەلگەن تۇنجى ساياھەت ئۆمىكىنى كۈتۈۋالغان.
