شىنخۇا ئاگېنتلىقى، بېيجىڭ، 8-ئاينىڭ 5-كۈنى تېلېگراممىسى(مۇخبىر دۇڭ رۈيفېڭ خەۋىرى): جۇڭگو پەنلەر ئاكادېمىيەسى چىڭخەي-شىزاڭ ئېگىزلىكى تەتقىقات ئورنىنىڭ كۆل ۋە مۇھىت ئۆزگىرىشى كوللېكتىپى يېقىندا چىڭخەي-شىزاڭ ئېگىزلىكى نامۇسو مەركىزى كۆل رايونىدا 100 مېتىرغا يېقىن سۇ ئاستىدىن مۇۋەپپەقىيەتلىك ھالدا 144.79 مېتىرلىق تاش ئۆزەككە ئېرىشتى، بۇرغىلاپ تەكشۈرۈش چوڭقۇرلۇقى 153.44 مېتىرغا يەتتى، بۇ رايوننىڭ 150 مىڭ يىلغا يېقىن كىلىمات مۇھىتى خاتىرىسىنى قايتا قۇرۇشتا ئۈمىد بار.
چىڭخەي-شىزاڭ ئېگىزلىكىنىڭ كىندىكىگە جايلاشقان نامۇسو كۆلىنىڭ دېڭىز يۈزىدىن ئېگىزلىكى تەخمىنەن 4730 مېتىر بولۇپ، بۇ رايوندا تاش ئۆزەكنى قېزىش خىزمىتىنى قانات يايدۇرۇشتا، ھاۋا رايى ئەڭ چوڭ خىرىس ھېسابلىنىدۇ. بۇرغىلاپ تەكشۈرۈش خىزمىتى 2019-يىلى 7-ئاينىڭ 1-كۈنى رەسمىي باشلىنىپ، 20 مېتىرغا يېقىن تاش ئۆزىكى قېزىپ ئېلىنغان، ھاۋا رايى قاتارلىق كۆپ خىل سەۋەبلەر تۈپەيلىدىن ۋاقتىنچە توختىتىلغان ئىدى.
«学习强国»دىن تەرجىمە قىلىندى