لىۋان بېيرۇتتا ئېغىر، زور پارتلاش ۋەقەسى يۈزبەرگەنلىكى مۇناسىۋىتى بىلەن
شى جىنپىڭ لىۋان زۇڭتۇڭى ئوئىنغا ھال سوراش تېلېگراممىسى ئەۋەتتى
شىنخۇا ئاگېنتلىقى، بېيجىڭ، 8 - ئاينىڭ 5 - كۈنى تېلېگراممىسى 8 - ئاينىڭ 5 - كۈنى، دۆلەت رەئىسى شى جىنپىڭ لىۋان بېيرۇتتا ئېغىر، زور پارتلاش ۋەقەسى يۈزبەرگەنلىكى مۇناسىۋىتى بىلەن، لىۋان زۇڭتۇڭى ئوئىنغا ھال سوراش تېلېگراممىسى ئەۋەتتى.
شى جىنپىڭ ھال سوراش تېلېگراممىسىدا مۇنۇلارنى كۆرسەتتى: دۆلىتىڭلار پايتەختى بېيرۇتتا ئېغىر، زور پارتلاش ۋەقەسى يۈزبېرىپ، نۇرغۇن كىشىنىڭ تالاپەتكە ئۇچرىغانلىقىدىن خەۋەر تېپىپ چۆچۈدۈم. مەن جۇڭگو ھۆكۈمىتى ۋە جۇڭگو خەلقىگە ۋاكالىتەن ھەم ئۆز نامىمدىن، قازا قىلغانلارغا چوڭقۇر تەزىيە بىلدۈرىمەن، يارىلانغانلار ۋە قازا قىلغانلارنىڭ ئائىلە تەۋەلىرىدىن سەمىمىي ھال سورايمەن، يارىلانغانلارنىڭ سالامەتلىكىنىڭ بالدۇرراق ئەسلىگە كېلىشىگە تىلەكداشمەن.
