تىيانشان تورى خەۋىرى(مۇخبىرلىرىمىز گو لىڭ، دوۋ شىڭجۈن، يىن تۇڭيۈەن، جانات تولقىن): 8-ئاينىڭ 5-كۈنى سائەت 17:00دە، ئاپتونوم رايونلۇق ھۆكۈمەت ئاخبارات ئىشخانىسى ئۈرۈمچى شەھىرىنىڭ يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمى ۋە ئۇنىڭ ئالدىنى ئېلىش-تىزگىنلەش خىزمىتى توغرىسىدا 19-مەيدان ئاخبارات ئېلان قىلىش يىغىنى ئاچتى، ئۈرۈمچى شەھەرلىك خەلق ھۆكۈمىتىنىڭ مۇئاۋىن باش كاتىپى شاڭ يۈلەن مۇنداق تونۇشتۇردى: ئۈرۈمچى شەھىرى يۇقۇمنىڭ ئالدىنى ئېلىش-تىزگىنلەش بىرىنچى سېپىدىكى مۇنەۋۋەر كادىرلارنى نۇقتىلىق تەكشۈرۈپ، ئىپادىسى گەۋدىلىك بولغانلىرىنى ۋاقتىدا ئۆستۈرۈپ ئىشلىتىدۇ.
«تەشەببۇسكارلىق بىلەن جەڭگە ئاتلىنىشنى تەلەپ قىلغان، چاقىرىققا بويسۇنغان، مۇھىم پەيتتە، ھالقىلىق ۋاقىتتا كۆكرەك كېرىپ ئوتتۇرىغا چىقىپ، ئېغىر يۈكنى باتۇرلۇق بىلەن زىممىسىگە ئېلىپ، قىيىنچىلىققا قارشى ئالغا ئىلگىرىلەپ، ئۆزىنى ئۇنتۇغان ھالدا خىزمەت قىلغان يۇقۇمنىڭ ئالدىنى ئېلىش-تىزگىنلەش بىرىنچى سېپىدىكى مۇنەۋۋەر كادىرلار نۇقتىلىق تەكشۈرۈلۈپ، ئىپادىسى گەۋدىلىك بولغانلار ۋاقتىدا ئۆستۈرۈپ ئىشلىتىلىدۇ» دېدى شاڭ يۈلەن.
بۇنىڭدىن باشقا، يۇقۇمنىڭ ئالدىنى ئېلىش-تىزگىنلەش بىرىنچى سېپىدىكى ئىلغار كوللېكتىپ ۋە ئىلغار شەخسلەرنى بايقاش، تاللاپ تۇرغۇزۇشقا ئەھمىيەت بېرىلىپ، تۈرلۈك تاراتقۇلاردىن تولۇق پايدىلىنىپ كەڭ تەشۋىق قىلىنىپ، تەسىرلىك ھېكايىلەر ياخشى سۆزلىنىپ، يۇقۇمنىڭ ئالدىنى ئېلىش-تىزگىنلەش بىرىنچى سېپىدىكى خادىملارغا كۆڭۈل بۆلىدىغان، كۆيۈنىدىغان قويۇق كەيپىيات يارىتىلىدۇ.
