شىنجاڭ گېزىتى خەۋىرى: بۇ يىل، كۇچا شەھىرى ياقا بازارلىق ھۆكۈمەت بىلەن جۇڭگو قۇرۇلۇش بانكىسى كۇچا شۆبە بانكىسىنىڭ كەنتتە تۇرۇشلۇق خىزمەت ئەترىتىنىڭ يېتەكچىلىكىدە، ئاقئېرىق كەنتىدىكى ئاھالىلەر نامراتلارنى يۆلەش پارنىكىدا شوخلا ئۆستۈردى. 6-ئاينىڭ ئاخىرىدا، شوخلىدىن مول ھوسۇل ئېلىندى، بۇ شۆبە بانكىنىڭ مەسئۇلى بىرىنچى بولۇپ سېتىش يوللىرىنى ئالاقىلىشىپ، بىر كۈنگە يەتمىگەن ۋاقىت ئىچىدە، شوخلا سېتىۋالىدىغان ئاپتوموبىل كەنتكە يېتىپ كېلىپ، تۇنجى تۈركۈمدىكى 300 كىلوگىرام شوخلىنىڭ ھەممىسى سېتىلىپ بولدى. سۈرەتتە، يېقىندا ئاقئېرىق كەنتىدە جۇڭگو قۇرۇلۇش بانكىسى كۇچا شۆبە بانكىسىنىڭ «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» بويىچە كەنتتە تۇرۇشلۇق خىزمەت ئەترىتىنىڭ ئەترەت ئەزالىرى كەنت ئاھالىلىرىنىڭ شوخلىلارنى تاللاپ، قاچىلاپ، يۆتكىشىگە ياردەملەشتى. (جيەن شىنشۈەن فوتوسى)
