تىيانشان تورى خەۋىرى (ۋاڭ جىنچاڭ، چاڭ يۈيۈن، ئۈمىد قادىر): گۇگۇم چۈشكەندە، بىر كۈندىكى پىژغىرىم ئىسسىق ئاستا-ئاستا تارقىلىپ، قەشقەر قەدىمىي شەھىرى قاينام-تاشقىنلىققا چۆمدى.
تەرەپ-تەرەپتىن كەلگەن ساياھەتچىلەر چوڭ-كىچىك كوچىلار ۋە كەچلىك بازارلاردىكى يايمىلارنى ئارىلاپ يۈرەتتى. ھەممە يەرنى ئېسىل تائاملارنىڭ مەززىلىك ھىدى قاپلىدى.
ساياھەتچىلىكنىڭ تەرەققىياتىغا ئەگىشىپ، بۇ يەردىكى كەچلىك بازار شەھەر كېچىسىنى رەڭدارلاشتۇرۇپلا قالماي، تېخىمۇ كۆرۈنەرلىك ئىقتىسادىي ئېنېرگىيەنى ئۇرغۇتتى.