تىيانشان تورى خەۋىرى (ئىختىيارىي مۇخبىر چۆ. خورە خەۋىرى، فوتوسى): 2020 –يىلى 3- ئاينىڭ 25- كۈنى، ياۋا ئاق قۇلار بايىنغولىن موڭغۇل ئاپتونوم ئوبلاستى خېجىڭ ناھىيەسى بايىنبۇلاقنىڭ «شېنچۈەن مەنزىرە رايونى»دا ئارام ئېلىپ ئوينىماقتا. ھەر يىلى ئەتىيازلىق كۈن-تۈن تەڭلىشىش مەۋسۇمى ئۆتۈپ كەتكەندىن كېيىن، نەچچە ئون مىڭ ياۋا ئاق قۇ خېجىڭ ناھىيەسىنىڭ بايىنبۇلاق سۇلۇق يېرىگە كېلىپ كۆپىيىدۇ، «ئاشىق-مەشۇق» ئاق قۇلار «شېرىنئاي» مەزگىلىنى كۈتۈۋالىدۇ. بۇ ئاق قۇلار ھەر يىلى 3-، 4- ئايلاردا كېلىپ، 10-، 11- ئايلاردا كۆچىدۇ، تۇرۇش ۋاقتى يېرىم يىلدىن ئاشىدۇ.
