خەلق تورى خەۋىرى: شىنجاڭ غۇلجا ناھىيەسىنى كىشىلەر «ئۆرۈك يۇرتى» دەپ ئاتىشىدۇ، چۈنكى بۇ يەر ئۆزىنىڭ چۈچۈمەل تاتلىق ئاق ئۆرۈكى بىلەن داڭلىق بولۇپ، ئۆرۈك چېچەكلىرىنىڭ ھىدىنىڭ ھەر تەرەپكە تارقىلىشىغا ئەگىشىپ، «ئۆرۈك يۇرتى» باشقىچە گۈزەل تۈسكە كىردى. ئۆرۈك چېچىكى ئىلىنىڭ «باھاردىن خەۋەر بەرگۈچىسى» بولۇپ، غۇلجا ناھىيەسىدىكى شياڭخې ئۆرۈكلۈك بېغىغا كىرسىڭىز، كۆز ئالدىڭىزدا ھۈپپىدە ئېچىلغان چېچەكلەرگە تولغان مېۋىلىك دەرەخلەر نامايان بولىدۇ، كىشىلەر بۇ يەردە سەيلە قىلغاچ گۈزەل مەنزىرىدىن ھۇزۇرلىنىدۇ ياكى لەرزان ئۇسسۇلغا چۈشۈپ، باھار قۇشلىرىنىڭ يېقىملىق سايراشلىرىغا جور بولىدۇ. (يۈەن يۈلۇڭ، فېڭ لەن)
