خېجاڭ ناھىيەسى شۈيتاڭبەۋ يىزۇ-مياۋزۇ يېزىسى گۇڭجىجەي سۇ ئامبىرى(3-ئاينىڭ 21-كۈنى ئۇچقۇچىسىز ئايروپىلاندا تارتىلغان سۈرەت). بۇ سۇ ئامبىرى ناھىيە بازىرىدىكى ئىچىملىك سۇ مەنبەسى مۇھاپىزەت رايونىنىڭ بىرى.
شىنخۇا تورى خەۋىرى: 3-ئاينىڭ 22-كۈنى «دۇنيا سۇ كۈنى» مۇناسىۋىتى بىلەن، گۇيجوۋ ئۆلكىسىنىڭ خېجاڭ ناھىيەسى دەريا باشلىقلىرىنى تەۋەلىكىدىكى ئاساسلىق دەريا يولىنى تەكشۈرۈشكە ئورۇنلاشتۇرۇپ، خىزمەتچى خادىملار ۋە پىدائىيلارنى دەريانى قوغداش ھەرىكىتىنى قانات يايدۇرۇشقا تەشكىللىدى. يېقىنقى يىللاردىن بۇيان، خېجاڭ ناھىيەسى پاسكىنا سۇنى چىقىرىۋېتىش قۇرۇلۇشى، يېزىلاردا تۇرمۇشتىكى پاسكىنا سۇنى بىر تەرەپ قىلىش قاتارلىق تەدبىرلەر ئارقىلىق سۇ مۇھىتىنى تۈزەشنى كۈچەيتىپ، گۈزەل دەريا-كۆللەرنى قوغدىدى. شىنخۇا ئاگېنتلىقى مۇخبىرى تاۋ لياڭ فوتوسى