خەلق تورى خەۋىرى: باھار جىلۋە قىلغان 3-ئايدا، شىنجاڭ بوغدا كۆلىنىڭ يۈزىنى قار-مۇزلار قاپلاپ، ئەتراپتا جىمجىتلىق ھۆكۈم سۈرمەكتە ئىدى. بوغدا كۆلىنىڭ شىمالىي يېنىدىكى جىلغىدا، قىش ئايلىرىدىكى قار-مۇزلار ئېرىپ، سۈزۈك جىلغا سۈيى مۇز پەردىسىنىڭ ئاستىدا شىلدىرلاپ ئېقىپ، باھارنىڭ شادلىق نوتىسىغا ئايلاندى. قارلىق تاغ شەمشادلىرى تۆت پەسىلدە ئۆزگەرمەيدىغان يېشىللىقى بىلەن مۇنداق جاكارلىدى: باھار يېتىپ كەلدى، تاغ بىلەن سۇ، قار-مۇز بىلەن يېشىللىق ئۆزئارا گىرەلىشىپ كەتكەن بولۇپ، بۇ خىل ساپ ھاۋالىق، خاتىرجەملىك ئاتا قىلىدىغان ھەرىكەتچان گۈزەللىك كىشىگە كۆتۈرەڭگۈ كەيپىيات ئاتا قىلىدۇ!
تىيانشان بوغدا كۆلى قەدىمدە «گۈزەل كۆل» دەپ ئاتالغان بولۇپ، ئېگىز تاغ كۆلىنى مەركەز قىلغان، ئورمان، يايلاق مەنزىرىسى بىر گەۋدە قىلىنغان دۆلەت 5A دەرىجىلىك داڭلىق مەنزىرە رايونى ۋە شىنجاڭ تىيانشان دۇنيا تەبىئىي مىراسلار رايونىنىڭ يادرولۇق رايونى. (سۈن گوفۇ)