خەلق تورى، بېيجىڭ، 12 - ئاينىڭ 2 - كۈنى تېلېگراممىسى: دۆلەت ئەرلەر پۇتبول كوماندىسى 12 - ئاينىڭ 1 - كۈنى كەچتە 28 كىشىلىك ماھىرلار تىزىملىكىنى ئېلان قىلدى. يۈ داباۋ، جاڭ شىجې، ۋېي شىخاۋ قاتارلىق ماھىرلار تىزىملىككە كىردى، لى تيې باش تىرېنېر بولدى، ماھىرلار يىغىپ مەشىقلەندۈرۈلۈپ، 12 - ئايدا كورېيەنىڭ فۇشەندە ئۆتكۈزۈلىدىغان شەرقىي ئاسىيا پۇتبول لەۋھە تالىشىش مۇسابىقىسىگە قاتنىشىدۇ.
ئورۇنلاشتۇرۇشقا ئاساسەن، دۆلەت كوماندىسى 12 - ئاينىڭ 3 - كۈنىدىن 8 - كۈنىگىچە شاڭخەيدە ئىككىنچى باسقۇچلۇق يىغىپ مەشىقلەندۈرۈشنى تەشكىللەيدۇ، 12 - ئاينىڭ 8 - كۈنىدىن 19 - كۈنىگىچە كورېيەنىڭ فۇشەنگە بېرىپ 2019 - يىللىق شەرقىي ئاسىيا پۇتبول لەۋھە تالىشىش مۇسابىقىسىگە قاتنىشىدۇ، مۇسابىقىگە قاتنىشىدىغان باشقا ئۈچ كوماندا ئايرىم-ئايرىم ھالدا كورېيە كوماندىسى، ياپونىيە كوماندىسى، جۇڭگو شياڭگاڭ كوماندىسى.
يىغىپ مەشىقلەندۈرۈش تىزىملىكى تۆۋەندىكىچە (28 كىشى):
شاڭخەي شاڭگاڭ كوماندىسى: ۋاڭ شېنچاۋ، لۈ ۋېنجۈن، سەي خۈيكاڭ
بېيجىڭ جۇڭخې گوئەن كوماندىسى: يۈ داباۋ، جاڭ شىجې، ۋاڭ زىمىڭ، يۈ ياڭ
گۇاڭجوۋ خېڭدا تاۋباۋ كوماندىسى: مېي فاڭ، ۋېي شىخاۋ، ليۇ ديەنزو
خېبېي خۇاشيا شىڭفۇ كوماندىسى: دۇڭ شۆشېڭ، جياڭ جىپېڭ
چۇڭچىڭ داڭدەي لىفەن كوماندىسى: فېڭ جىن
جياڭسۇ سۇنىڭ كوماندىسى: لى ئاڭ، جى شياڭ
تيەنجىن تەيدا كوماندىسى: مىرئەخمەتجان مۇزەپپەر، ياڭ فەن، جېڭ كەيمۇ
خېنەن جيەنيې كوماندىسى: ۋاڭ شاڭيۈەن
ۋۇخەن جوئېر كوماندىسى: لى شىڭ، دۇڭ چۇنيۈ، مىڭ تيەن، ليۇ يۈن
شاڭخەي لۈدى شېنخۇا كوماندىسى: ساۋ يۈندىڭ
شەندۇڭ لۇنېڭ تەيشەن كوماندىسى: جىن جىڭداۋ، ليۇ بىنبىن، ۋاڭ دالېي
چاڭچۇن ياتەي كوماندىسى: تەن لۇڭ
