تىيانشان تورى   ›   تۇرمۇش   ›   تۇرمۇش لۇغىتى

بالىلار كۆپ سۇ ئىچىپ بەرسە ئىنكاسى تېز بولىدىكەن

  يېقىندا، «ئوزۇقشۇناسلىق» ژۇرنىلىدا ئېلان قىلىنغان بىر تۈرلۈك يېڭى تەتقىقاتتا كۆرسىتىلىشىچە، كۆپ سۇ ئىچىش بالىلارنىڭ ساغلام ئۆسۈپ يېتىلىشىگە پايدىلىق بولۇپلا قالماي، يەنە ئۇلارنىڭ ئىشلارنى بىر تەرەپ قىلىش ئىقتىدارىنى ئۆستۈرەلەيدىكەن.

  ئامېرىكا ئىللىنوئىس داشۆسى شامپان شۆبە مەكتىپى پائالىيەت ۋە ئاممىۋى ساغلاملىق ئىلمى پروفېسسورى نايمان خان ۋە ئامېرىكا شەرقىي شىمال داشۆسىنىڭ پروفېسسورى چارلىس شىرمان بىرلىكتە بۇ تەتقىقاتنى تاماملىدى. تەتقىقات ئۆمىكى توققۇز ياشتىن 11 ياشقىچە بولغان 75 بالىنى تەجرىبە ئوبيېكتى قىلىپ، ئالدى بىلەن ئۇلارنى ئۇدا تۆت كۈن، ھەر كۈنى ئادەتتىكى ئاساسىي لىنىيە بويىچە يېرىم لىتىر سۇ ئىچىشكە ئورۇنلاشتۇردى. ئارقىدىن، سىناققا قاتناشقان بالىلار ھەر كۈنى ئىچىدىغان سۇ مىقدارىنى 2.5 لىتىرغا يەتكۈزۈپ، تۆت كۈن داۋاملاشتۇردى. تەتقىقاتچىلار سۈيدۈكنىڭ سېلىشتۇرما ئېغىرلىقى ۋە سۈيدۈك رەڭگى قاتارلىق تەكشۈرۈش ئۇسۇللىرى ۋە مەخسۇس لايىھەلەنگەن كۆپ خىل ۋەزىپىلىك ئۆلچەش پائالىيەتلىرىدىن پايدىلىنىپ، ئىككى خىل سۇ تەركىبى بولغان ئەھۋالدا، بالىلارنىڭ سۈيدۈكنى گىدراتلاشتۇرۇش سانلىق مەلۇماتى ۋە بىلىش ئىقتىدارىنى سىنىدى. نەتىجىدە، كۆپ سۇ ئىچكەندە، بالىنىڭ ئىشلارنى بىر تەرەپ قىلىش ئىقتىدارى تېخىمۇ كۈچلۈك، ئىنكاسى تېخىمۇ تېز بولغان. بۇ شۇنى چۈشەندۈرۈپ بېرىدۇكى، سۇنى كۆپ ئىچىش مۇرەككەپ بىلىش ئىقتىدارىنى ئۆستۈرۈشكە پايدىلىق ئىكەن.

  تەتقىقاتچىلار مۇنداق دەپ كۆرسەتتى: بالىلار ئادەتتە تەشەببۇسكارلىق بىلەن سۇ ئىچمەيدۇ، شۇڭا ئۇلار دائىم سۇسىزلىنىش ھالىتىدە تۇرىدۇ ، ئاتا-ئانىلار بالىلارنىڭ سۇ ئىچىشىنى مۇۋاپىق ئەسكەرتىشى ئىنتايىن مۇھىم.

                                                                                                                                               خەلق تورىدىن تەرجىمە قىلىندى

مەسئۇل مۇھەررىر : مىھرىگۈل ناسىر

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ گېزىتخانىسى(شىنجاڭ گېزىتچىلىك ـ تاراتقۇ <گۇرۇھ> چەكلىك شىركىتى)گە تەۋە. نەشر ھوقۇقىغا ئىگە ئەسەر ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ.

  • تاڭ نۇرىدىكى كۈرەش قىلغۇچىلار
  • قەغەز قىيما سەنئىتى مەكتەپلەرگە كىردى ئەنئەنىۋى مەدەنىيەت ئۇرۇقى قەلبلەرگە تېرىلدى
  • شىنجاڭنىڭ تاغ-دەريالىرى خۇددى سۈرەتتەك| مۇزلار ئېرىپ دەريا يولى ئېچىلدى قايدۇ دەرياسىدىن باھار ھىدى تارقالدى