خەلق تورى خەۋىرى: 11-ئاينىڭ ئوتتۇرىلىرىدىن بۇيان، شىنجاڭ موڭغۇلكۈرە ئېگىزلىكىدە ئۇدا قاتتىق قار يېغىپ، تېمپېراتۇرا تۆۋەنلەپ موڭغۇلكۈرە ناھىيەسى چېگراسى ئىچىدىكى تېكەس دەرياسى يۈزىنىڭ بىر قىسىمىنى مۇز تۇتۇپ كەتتى. موڭغۇلكۈرە سۇلۇق يەر باغچىسى ئەتراپىدىكى دەريا يۈزىدە مۇز گۈللىرى دەريا سۈيىنىڭ ئېقىشىغا ئەگىشىپ ئاقماقتا ئىدى، مۇز گۈللىرىنىڭ بەزىلىرى ئۆز ئالدىغا يۇمىلاق بولسا، بەزىلىرى تۇتىشىپ بىر تىزىق بولغان ئىدى، بۇلار قۇياش نۇرىنىڭ چاقنىتىشىدا، ئېچىلغان نېلۇپەر گۈللىرىگە ئوخشاپ، زور بىر تۈركۈم دالا ھەۋەسكارلىرى ۋە فوتوسۈرەت ھەۋەسكارلىرىنى جەلپ قىلغان ئىدى. (لى ۋېنۋۇ)
