تىيانشان تورى خەۋىرى (ئىختىيارىي مۇخبىر جۇۋ فېڭ، جېڭ شياۋ خەۋىرى): بۇ يىل 1-ئايدىن 9-ئايغىچە، باركۆل قازاق ئاپتونوم ناھىيەسىدە 2193 كىشى ئىشقا ئورۇنلاشتى ۋە قايتا ئىشقا ئورۇنلاشتى.
يېقىنقى يىللاردىن بۇيان، باركۆل ناھىيەسى دېھقان-چارۋىچىلارنىڭ ئۇزاق مۇددەت مۇقىم يۆتكىلىش كۆلىمىنى ئىزچىل كېڭەيتىپ، ئۇلارنى كارخانىلارغا بېرىپ ئۇزاق مۇددەت مۇقىم ئىشقا ئورۇنلىشىشقا رىغبەتلەندۈرۈپ، ئەمگەك كۆجۈملەشكەن كەسىپلەر، سانائەت باغچە رايونى، كەسىپلەر باغچە رايونى، رايون ھالقىغان كارخانىلار ۋە ئىچكىرى ئۆلكىلەردىكى كارخانىلارغا بېرىپ ئۇزاق مۇددەت مۇقىم ئىشقا ئورۇنلىشىشقا يېتەكلەپ، ئۇلارنىڭ سانائەت ئىشچىلىرىغا ئايلىنىشىنى ئىلگىرى سۈردى. دېھقان-چارۋىچىلارنى ئۇل ئەسلىھە قۇرۇلۇشى، شىنجاڭغا نىشانلىق ياردەم بېرىش تۈرى قۇرۇلۇشى، دېھقانچىلىق-چارۋىچىلىق ھەمكارلىق كوپىراتىپى، يېزا ئىگىلىك قوشۇمچە مەھسۇلاتلىرىنى پىششىقلاپ ئىشلەش قاتارلىق «تېز ئۈنۈم بېرىدىغان» تۈرلەرگە قاتنىشىشقا تەشكىللەپ، ئۇلارنىڭ ئۆز ناھىيەسى ۋە ناھىيە سىرتىدىكى 2-، 3- كەسىپلەرگە يۆتكىلىپ ئىشقا ئورۇنلىشىشىنى ئىشقا ئاشۇردى.
قومۇل گېزىتىدىن تەرجىمە قىلىندى