تىيانشان تورى خەۋىرى (ئىختىيارىي مۇخبىر جىيا خۇڭمىڭ خەۋىرى، فوتوسى) 10-ئاينىڭ 16-كۈنى، شىنجاڭ بايىنغولىن موڭغۇل ئاپتونوم ئوبلاستى چىڭسىخوزا دېھقانچىلىق مەيدانى 2-شۆبە مەيدانىدىكى تېرىقچىلىق ئاھالىسى ياڭ چاۋلۇڭنىڭ ئالمىزارلىقىدا، قىپقىزىل ئالمىلار شاخلارغا تولدى. ئۇنىڭ 25 مو بېغى بار. بايىنغولىن موڭغۇل ئاپتونوم ئوبلاستى يېزا ئىگىلىكى- يېزا ئىدارىسىنىڭ «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» بويىچە بۇ دېھقانچىلىق مەيدانىدا تۇرۇشلۇق خىزمەت ئەترىتىنىڭ كادىرى ۋە ياڭ چاۋلۇڭ بىر ئائىلە كىشىلىرى ئالما ئۈزۈش، قاچىلاش، توشۇش ۋە ناھىيە تەۋەسىدىكى ھەر قايسى چوڭ مېۋە دۇكانلىرىغا سېتىش بىلەن ئالدىراش بولۇپ كەتتى.
