تىيانشان تورى خەۋىرى (مۇخبىرىمىز دېڭ لىجۈەن، ئىختىيارىي مۇخبىر شى جىشياڭ خەۋىرى): 10- ئاينىڭ 6- كۈنى، 2019- يىللىق ئاقسۇ ۋىلايەتلىك ياش-ئۆسمۈرلەر تەيچۈەنداۋ تاللاش مۇسابىقىسى ئاقسۇ تەنتەربىيە سارىيىدا ئۆتكۈزۈلدى.
بۇ قېتىمقى مۇسابىقىگە ئاقسۇ ۋىلايىتىدىكى ھەر قايسى ناھىيە(شەھەر)لەردىن كەلگەن 50 نەپەر ياش - ئۆسمۈر قاتناشقان بولۇپ، ئاقسۇ ۋىلايىتى بۇ مۇسابىقىنى بۇ يىللىق ئاپتونوم رايونلۇق ياش - ئۆسمۈرلەر تەيچۈەنداۋ لەۋھە تالىشىش مۇسابىقىسىگە قاتنىشىدىغان تەنھەرىكەتچىلەرنى تاللاش ئۈچۈن ئۇيۇشتۇرغان. مۇسابىقە تۆت گۇرۇپپا، 36 دەرىجىگە بۆلۈنگەن بولۇپ، ھەر بىر دەرىجىدە بىرىنچىلىككە ئېرىشكەنلەر 11- ئاينىڭ 3- كۈنىدىن 8- كۈنىگىچە ئاپتونوم رايوننىڭ 2019- يىللىق ياش - ئۆسمۈرلەر تەيچۈەنداۋ لەۋھە تالىشىش مۇسابىقىسىگە قاتنىشىدۇ. بۇ يىل ئاقسۇ ۋىلايىتى 2019- يىللىق ئاپتونوم رايونلۇق ياش - ئۆسمۈرلەر تەيچۈەنداۋ لەۋھە تالىشىش مۇسابىقىسىنى ئۇيۇشتۇرغۇچى تەرەپ بولۇش سۈپىتى بىلەن ھەر تەرەپتىن كەلگەن مېھمانلارنى كۈتۈۋالىدۇ.
ئىگىلىنىشىچە، مۇسابىقىدە تاللانغان تەنھەرىكەتچىلەر بىر ئاي يىغىلىپ مەشىق قىلىپ، ماھارەت سەۋىيىسىنى يەنىمۇ ئۆستۈرىدىكەن.
ئاقسۇ گېزىتىدىن تەرجىمە قىلىندى