تىيانشان تورى خەۋىرى (مۇخبىرىمىز ما شاۋبىن، ئىختىيارىي مۇخبىرىمىز نيۇ گوخۇا خەۋىرى، فوتوسى): 9- ئاينىڭ 24- كۈنى كەچتە، سانجى خۇيزۇ ئاپتونوم ئوبلاستى ئوبلاستلىق تەنتەربىيە سارىيىدا «سەلتەنەتلىك 70 يىل كۈرەشچان يېڭى دەۋر» جۇڭخۇا خەلق جۇمھۇرىيىتى قۇرۇلغانلىقىنىڭ 70 يىللىقىنى تەبرىكلەش ئەدەبىيات- سەنئەت كېچىلىكى ئۆتكۈزدى.
بۇ كېچىلىك 22 نومۇردىن تەركىب تاپقان بولۇپ، ئىجادىيەتتىن ئويۇن قويۇشقىچە بەش ئاي ۋاقىت كەتكەن، 560 تىن ئارتۇق ئارتىس ئويۇنغا قاتناشقان.
كېچىلىكتە، «ۋەتىنىم» ناملىق ناخشا ياڭرىغاندا، تاماشىبىنلار قولىدىكى بەش يۇلتۇزلۇق قىزىل بايراقنى پۇلاڭلىتىپ، ۋەتەننى كۈيلەپ، كېچىلىكنى يۇقىرى پەللىگە كۆتۈردى.