تىيانشان تورى   ›   ئۆگىنىش   ›   دادىل ئوتتۇرىغا چىقىپ ئېنىق پوزىتسىيە بىلدۈرۈش

ئۆزگىرىشلەرنى سۆزلەيمەن، ئىتتىپاقلىقنى سۆزلەيمەن، پارتىيەگە مىننەتدارلىق بىلدۈرىمەن

سودا - سانائەت بانكىسى قەشقەر شۆبە بانكىسى پارتكومىنىڭ مۇئاۋىن شۇجىسى، مۇئاۋىن بانكا باشلىقى ئابدۇراخمان يولۋاس

مەن قەشقەردە تۇغۇلۇپ ئۆسۈپ يېتىلدىم، يۇرتۇمغا چوڭقۇر مۇھەببىتىم بار. ئۆزۈمنىڭ ئۆسۈپ يېتىلىش جەريانىمنى ئەسلەپ شۇنى چوڭقۇر تونۇپ يەتتىمكى، مېنىڭ ئۆسۈپ يېتىلىشىم باشتىن - ئاخىر پارتىيەنىڭ غەمخورلۇقى، كۆيۈنۈشىدىن ئايرىلمىغان، پارتىيەنىڭ تەربىيەلىشى، يېتىشتۈرۈشىدىن ئايرىلمىغان. يېڭى جۇڭگو قۇرۇلغان 70 يىلدىن بۇيان، پارتىيەنىڭ رەھبەرلىكىدە، شىنجاڭ غايەت زور تەرەققىيات مۇۋەپپەقىيەتلىرىنى قولغا كەلتۈردى، مەنمۇ شىنجاڭدا يۈزبەرگەن ئالەمشۇمۇل ئۆزگىرىشلەرگە گۇۋاھ بولدۇم. ئەمەلىيەت شۇنى تولۇق ئىسپاتلىدىكى، جۇڭگو كوممۇنىستىك پارتىيەسىنىڭ توغرا رەھبەرلىكى بولمىسا، شىنجاڭنىڭ بۈگۈنكىدەك گۈللىنىپ تەرەققىي قىلىشى مۇمكىن ئەمەس ئىدى، شىنجاڭدىكى ھەر مىللەت خەلقنىڭ بەختلىك، خاتىرجەم تۇرمۇش كەچۈرۈشى مۇمكىن ئەمەس ئىدى.

يېڭى جۇڭگو قۇرۇلغان 70 يىلدىن بۇيان، پارتىيە مەركىزىي كومىتېتى باشتىن - ئاخىر شىنجاڭدىكى ھەر مىللەت خەلقنىڭ غېمىنى يېدى، باشتىن - ئاخىر شىنجاڭدىكى ھەر مىللەت خەلققە ھەر تەرەپلىمە غەمخورلۇق قىلىپ كەلدى. ئىلگىرىكى كىيىم - كېچەك، ئاشلىق كەمچىل بولۇشتىن ھازىرقى كىيىم - كېچەك، يېمەك - ئىچمەكتىن غەم قىلمايدىغان بولغىچە، كېسەك ئۆي، پاتقاق يولدىن ھازىرقى ئەمىن ئۆي ۋە ھەممە كەنتلەرگە تۇتاشقان ئاسفالت يولغىچە، كېسەل كۆرسىتەلمەسلىكتىن ھازىرقى ئومۇمىي خەلق سالامەتلىك تەكشۈرتۈش، ھەمكارلىشىپ داۋالىنىش قاتارلىقلارغىچە، شىنجاڭدىكى ھەر مىللەت ئامما پارتىيەنىڭ نۇرغۇن ئەلگە نەپ يەتكۈزۈش سىياسەتلىرىدىن بەھرىلەنمەكتە. ھەر مىللەت ئامما ئېشەك ھارۋىسى، ۋېلىسىپىت بىلەن خوشلىشىپ، توكسىكلىت، موتوسىكلىت ھەتتا پىكاپ سېتىۋالدى، ئالاقىلىشىشكە قولايلىق يان تېلېفون ئىشلىتىدىغان بولدى، يىراق سەپەرگە چىققاندا ئاپتوموبىل، پويىز ۋە ئايروپىلاننى تاللاپ ئولتۇرىدىغان بولدى، ئاشلىق تېرىسا، باقمىچىلىق بىلەن شۇغۇللانسا يەنە دۆلەتنىڭ ياردەم تولۇقلىمىسىدىن بەھرىلىنەلەيدىغان بولدى. بۇنداق گۈزەل - باياشات، تىنچ - خاتىرجەم بەختلىك تۇرمۇشتىن بىز ھەقىقىي بەھرىمەن بولدۇق.

مۇنداق بىر ماقال بار: «سۇ ئىچكەندە قۇدۇق قازغۇچىنى ئۇنتۇما، سەپەرگە چىققاندا يول ياسىغۇچىنى ئۇنتۇما.» بىزگە مىسلىسىز ئەمەلىي نەپ ئېلىپ كەلگەن جۇڭگو كوممۇنىستىك پارتىيەسىگە مىننەتدارلىق بىلدۈرۈشىمىز كېرەك. بىز قانداق مىننەتدارلىق بىلدۈرۈشىمىز كېرەك؟ بىز يۇقىرى ئاۋازدا «ئۇلۇغ جۇڭگو كوممۇنىستىك پارتىيەسىگە رەھمەت» دەپلا قالماستىن، يەنە دۆلەت قانۇنلىرىغا رىئايە قىلىدىغان ياخشى پۇقرالاردىن بولۇپ، ئائىلىگە، جەمئىيەتكە نىسبەتەن ئادا قىلىشقا تېگىشلىك مەسئۇلىيىتىمىزنى زىممىمىزگە ئېلىپ، پەرزەنتلىرىمىزنى ياخشى تەربىيەلەپ، ھەر مىللەت ئاممىنى پارتىيەگە مىننەتدارلىق بىلدۈرۈشكە، پارتىيەنىڭ گېپىنى ئاڭلاشقا، پارتىيەگە ئەگىشىپ مېڭىشقا يېتەكلەپ، شىنجاڭنىڭ مىللەتلەر ئىتتىپاقلىقى ۋە جەمئىيەت مۇقىملىقىنى ياخشى قوغدىشىمىز كېرەك.

پارتىيەلىك كادىر بولۇش سۈپىتىم بىلەن، مەن توغرا دۇنيا قاراش، كىشىلىك تۇرمۇش قارىشى، قىممەت قارىشى تۇرغۇزۇپ، ئۆزۈمنىڭ سۆز - ھەرىكىتىم ئارقىلىق ھەر مىللەت ئاممىنى تەربىيەلەپ، ئۇلارغا تەسىر كۆرسىتىپ، تولۇپ تاشقان خىزمەت قىزغىنلىقىم ۋە كۆتۈرەڭگۈ روھىي ھالىتىم بىلەن جەمئىيەتكە ئاكتىپ كۈچ تارقىتىپ، جۇڭخۇا مىللىتىنىڭ ئۇلۇغ گۈللىنىشىدىن ئىبارەت جۇڭگو ئارزۇسىنى ئىشقا ئاشۇرۇش ئۈچۈن تۆھپەمنى قوشىمەن.

مەسئۇل مۇھەررىر : ئامانگۈل ئابدۇراخمان

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • رەڭگارەڭ گۈل كۆرگەزمىسىدە دۆلەت بايرىمى تەبرىكلەندى
  • يېڭى ئۆيدە ئولتۇرۇپ يېڭى تۇرمۇش كەچۈرۈش
  • قاناس مەنزىرە رايونى ئاۋاتلاشتى