جۇڭگو ياشلار تورى، بېيجىڭ، 9-ئاينىڭ 5-كۈنى تېلېگراممىسى (مۇخبىر ۋاڭ زېڭچياڭ، ياڭ يۆ، جاڭ رۈيلىڭ): شىزاڭ ئاپتونوم رايونى شەننەن شەھىرى سومېي ناھىيە بازىرىدىن جەنۇبقا قاراپ يولغا چىققان ئاپتوموبىللار تۇتاش كەتكەن تاغلار ئارىسىدا ئايلىنىپ يۈرىدۇ. بۇ نەيشى يېزىسى چازا كەنتىگە بارىدىغان بىردىنبىر يول بولۇپ، بۇ يولدا «ئاپتوموبىللار بۇلۇتلار ئارىسىدا ماڭىدۇ، بۈركۈت ئاياغ ئاستىدا ئۇچىدۇ» دېيىشكە بولىدۇ. ئېگىز تىك يار ۋە جىلغىنىڭ ئىچكىرىسىدىن ئۆتۈپ، شۈەنيا كەنتىگە كەلگەندە مۇخبىرلار بىر پېشقەدەم پارتىيە ئەزاسىنى تاپتى: ئۇ ئىلگىرى شىزاڭ ئاپتونوم رايونى شەننەن شەھىرى سومېي ناھىيەسى نەيشى يېزىسىنىڭ يېزا باشلىقى بولغانىدى. 37 يىل ئاساسىي قاتلامدا يىلتىز تارتىپ، كەنت ئاھالىلىرىنىڭ ئارزۇسى ئالدىدا، ئۇ تەشەببۇسكارلىق بىلەن دەرىجىسىنى تۆۋەنلىتىپ، چيازا كەنتىگە قايتىپ كېلىشنى تەلەپ قىلغان. ئۇ دەل چيازا كەنتى پارتىيە ياچېيكىسىنىڭ شۇجىسى سىرېن ئوۋجۇ. سىرېن ئوۋجۇنىڭ يېتەكچىلىكىدە، كەنت ئاھالىلىرى نامرات، قالاق قىياپىتىنى ئۆزگەرتىپ، ياخشى تۇرمۇش كەچۈردى. سىرېن ئوۋجۇنىڭ ئەمىلى بارغانسېرى كىچىكلەپ كەتكەن بولسىمۇ، ئەمما ئۇنىڭ پۇقرالار بىلەن كۆڭلى بارغانسېرى يېقىنلاشتى.
